بالصور | مصورة أفراح لـ"العروس": "اضحكي الصورة تطلع حلوة"
يسعى كل عروسين دائمًا لعمل "فوتو سيشن" مميز مع مصور محترف للخروج بلقطات مختلفة ترضيهم وتعبر عن فرحتهم، وتبقى ذكرى جميلة تعيدهم إلى تفاصيل هذا اليوم المميز، ولكن المهمة ليست سهلة كما يتصورها البعض فالصور تعتمد بشكل أكبر على أصحاب اللقطات وليس المصور حسب ما أوضحت مصورة الأفراح شيما البحيري.
وتقول شيما البحيري إن لقطات التصوير مثل كل شيء يطرأ عليه تغيرات وتطورات، ومواكبة الموضة فيها أمر ضروري للغاية، وتضيف: "زمان كان الطبيعي الصور في الاستديو لكن دلوقتي بقت الموضة التصوير الأوت دور وسط الشجر والبحر والجناين وحتى حركات الصور فيها موضة طبعا".
المكان والإضاءة عاملان أساسيان لخروج لقطات جميلة، خاصة وأن الإضاءة لها تأثير كبير على نوعية اللقطات التي يأخذها المصور، وبالتالي فإن التصوير نهارًا أفضل بكثير بحسب ما أوضحت البحيري لـ"الوطن".
جمال الروح له تأثير السحر في خروج لقطاة مميزة، فتقول مصورة الأفراح: "نفسي العرايس يفهموا إن روحهم بتبان جدا في الصور يعني هي لو متضايقة انا مش هطلع صورها حلوة لازم تبقي عارفة إن الجمال مش بس جمال الشكل فيه ناس مش على قدر كبير من الجمال بس بتطلع حلوة جدا وفي ناس جميلة جدا بس بتطلع وحشة، وده بسبب إن روحهم هي اللي بتبان في الصورة".
"كل واحد وليه ستايله وعلى حسب الكابل اللي قدامي لو مساعدني اطلع صور مجنونة هطلع لو مش مساعدني هتطلع صورهم عادية أو تقليدية في هي بتحدد على أساسهم هما عايزين إيه".
وتضيف: "روحهم بتأثر جدا في الصورة يعني في ناس بيليق عليهم الصور المطرقعة، وناس بيليق عليهم الصور العادية، فرحة العروسة وفستانها كل تفصيلة بتفرق في اللقطة".