الوداع يا خلق نار
الوداع يا خلق نار
الوداع والفراق يا خلق نار
لو تلويحة من شرفة مطار
أو فوق سفينة أو من شباك قطار
الوداع يعنى إيدين بتسيب إيدين
ونظرات غرقانة فى دموع العين
دموع بتحرق أكتر من النار
الوداع والفراق يا خلق نار
فراق يعنى الوحدة يعنى الحرمان
يعنى حيرة وندم بعد ما يفوت الأوان
وجايز يكون نهاية مشوار
الوداع والفراق يا خلق نار
الوداع زى الفراق صورة واحدة للعذاب
يعنى لهفة واشتياق منهم بيشيب الشباب
آه لو طال الانتظار
ده الوداع زى الفراق يا خلق نار
محمد نصر الدين أبوالسعود
حدائق القبة القاهرة
