فرش «دولاب ونيش» العروسة.. أصبح «سبوبة»

09:54 م | الخميس 21 يوليو 2016

بعد 3 سنوات من الانتظار، ومعاناة عاشتها مع خطيبها طوال فترة تشطيب منزلهما الجديد، فكرت فى طريقة تفاجئ بها خطيبها وتسعده فى اللحظات الأولى التى تجمعهما ببعضهما فى عش الزوجية، فاختارت «دولاب ونيش» المنزل ليكونا شاهداً على الحدث، حيث قررت فرش الدولاب بترتيب الفوط والملايات بطريقة غير تقليدية، وتزيين نيش السفرة بأشكال مبتكرة، وبعدما حصلت على ما تريد من نجاح فكرتها، تبادر إلى ذهنها فكرة الحصول على «سبوبة» من وراء فكرة ترتيبها الجديدة، فأصبحت تعمل لدى الأخريات المقبلات على الزواج. سمية عزالدين (27 عاماً)، بعد شكاوى لاحظتها على بعض العرائس على مواقع التواصل ودائرة معارفها بضيق الوقت أثناء فرش منازلهن، دفعتها لتطوير الفكرة وتكوين «فريق بنات» لفرش وترتيب جهاز العروسة بشكل جديد ومبتكر، وتقول: «فى أول جوازى من 8 شهور قرايبى وأصحابى عجبهم فرش الدولاب وجهازى فى النيش، كنت من البنات اللى مهتمة بترتيب الفرش أنه يكون شكله مش تقليدى، وبعدها فكرت أشتغل بالفكرة». بدأت «سمية» تنفيذ الفكرة مع صديقاتها والأقارب المقبلين على الزواج، ومن هنا انتشرت حتى توسعت فكرتها بطلبات من عرائس بمحيط دائرة معارفها. من 350 جنيهاً لـ1500، الأسعار التى حددتها «سمية» لفرش وترتيب مفروشات وملابس العروسة بشكل غير تقليدى، ويختلف من حيث مساحة الدولاب ونيش السفرة وعدد جهاز العروسة: «فى عرايس جهازها بيبقى كتير وفى بنات بتطلب منى أفرش ليها المطبخ كمان، لأن وقت العروسة وأهلها بيبقى ضيق زى أى حد، والفكرة إننا بنوفر عليهم الوقت».