الأولى علمي علوم مكرر: كنت خايفة طلاب التسريبات يتفوقوا عليا
صورة أرشيفية
قالت مها إبراهيم مصطفى البربري، الحاصلة على المركز الأول مكرر علمي علوم، أنها ترغب في الالتحاق بكلية الطب، مضيفة :"مكنتش بحدد وقت معين للمذاكرة، كنت كل يوم أروح أخد دروس الصبح وارجع أذاكر وأخد الجمعة راحة، مش مهم عدد الساعات اللي أذكرها المهم أكون مركزة عشان أفهم".
وأكدت البربري لـ"الوطن"، أن الدروس الخصوصية أصبح شرط أساسي لنجاح طلاب الثانوية العامة في مصر، وتابعت:" لما طلع قرار إننا لازم نروح المدرسة مكنتش عارفة أعمل أيه مكنتش بلاقي وقت أذاكر".
وأشارت البربري، إلى أن موجة تسريبات الامتحانات أصابتها بالإحباط، تخوفًا من تفوق أهل الغش عليها، وتابعت:"كنت خايفة ناس تاخد حاجة، أكتر من حقها، و كنت متوقعة إني أجيب 99 % أو أعلى شوية، لما سمعت إسمي في مؤتمر الوزير مصدقتش نفسي".