«الرئيس» يلاحق «المخلوع» خطوة بخطوة: ألتراس مرسى يدعمه بمظاهرة حب تحت شعار «إحنا مش إخوان»
«الرئيس» يلاحق «المخلوع» خطوة بخطوة: ألتراس مرسى يدعمه بمظاهرة حب تحت شعار «إحنا مش إخوان»
سيراً على الدرب نفسه، اختار محبو ومؤيدو الرئيس محمد مرسى طقساً سبقهم إليه محبو ومؤيدو الرئيس السابق مبارك، بتنظيم مظاهرة تأييد ودعم تحت شعار «إحنا مش إخوان» يرددون خلالها شعارات: «لا للتخريب والعنف، نعم لشرعية الرئيس، إحنا مش إخوان».
المظاهرة سيتم تنظيمها الجمعة 15 فبراير، أمام البوابة الكبرى لجامعة القاهرة، وتنظمها مجموعات تطلق على نفسها: «ألتراس محمد مرسى»، و«معاً ضد محاولات تشويه صورة الرئيس محمد مرسى»، يقول القائمون على مجموعة ألتراس محمد مرسى: «أيوة إحنا مش إخوان وأكتر من الإخوان، نتمنى الناس تشاركنا فى أول تحرك لو مش عاجبهم اللّى بيحصل، ومش معنى إننا بنقول إننا مش إخوان إن ده يقلل من شأن الإخوان».
تبدأ الوقفة الداعمة للرئيس فى الواحدة والنصف ظهراً وتستمر إلى 6 مساء، يختمها المنظمون بصلاة المغرب جماعة والدعاء لمصر.. ألتراس مرسى خاطب الراغبين فى المشاركة بضرورة النزول مع لافتات كبيرة تحمل عبارة «أنا مش إخوان وحياة والدك.. أنا شاب عادى.. أنا بنت عادية»، موجهاً إلى ضرورة الدعاء إلى مصر فى مشهد راقٍ وحضارى.
هدى مجدى أعلنت مشاركتها فى الوقفة: «أنا مش إخوانجية وبلبس جينز وبحط مكياج وأحياناً عدسات وبموت فى محمد مرسى، بس ده كل الموضوع، فى إيه بقى؟ المصيبة إنى باقعد أدافع عن مرسى وأتكلم فى الشريعة والإخوان يستغربوا جداً، إزاى بنت حاطة روج بمبى مسخسخ وبتتكلم فى المواضيع دى والكلمة الشهيرة اللى دايماً بسمعها إنتى يابنتى قريبة مرسى، هو مرسى ده كان أبوكى؟ وأنا أغيظ فيهم وأقول لهم بموت فيه».
