سلمى صباحي تعلن وقف برنامجها على قناة النهار: حزينة أوي

05:36 م | الاثنين 01 أغسطس 2016

أعلنت الإعلامية سلمى صباحي، عبر حسابها الرسمي على موقع التواصل الاجتماعي "فيس بوك"، وقف عرض برنامجها "بنات وولاد" على قناة "النهار".

وكتبت سلمى في تدوينتها، ‫‏"بعتذر لكل البنات والولاد اللي تابعوا البرنامج وحبوا ‫‏ماما سلمى..‬ واتعلقوا ببنتخ وصدقوني انتوا هتوحشونا أكتر ما هانوحشكم، وشكرا لقناة النهار إن كان عندها الجرأة تعمل برنامج للأطفال مع إني حزينة أوي عشان كان نفسي نكمل برنامج الأطفال الوحيد في مصر خصوصا إنه بقى له جمهور كبير جدا من الأطفال لكن الحمدلله على كل شيء".

كما وجهت الشكر، لفريق الإعداد، قائلة: "بشكر كل الناس اللي شاركوا في البرنامج وخصوصا فريق الإعداد والبروديوسر وكابتن خالد و المصورين والمونتيرين والصوت والماكيير والكوافير والمخرج وعم رفعت الجميل اللي عملنا لبس بنتخ، وكل فريق العمل اللي كانوا بيصحوا من بدري الجمعة والسبت عشان نقدم حاجة حلوة للاطفال، وبشكر كل ضيوفي المبهجين اللي فعلا فرحوا أطفال كتير".

واختتمت سلمى، تديونتها، قائلة: "هاتوحشوني أوي أوي أوي وإن شاءالله نتقابل قريب يا حبايب قلب ماما سلمى".