عمال «الزلط» يشكون وقف الحال: «إحنا بنكح تراب»

10:47 م | الجمعة 05 أغسطس 2016

حالهم لا يختلف كثيراً عن حال العاملين فى الحرف المختلفة، فالركود الذى أصاب الصناعات الصغيرة أثّر عليهم بشكل واضح. العاملون فى تشكيل الزلط وصناعة أرضيات بأشكال وألوان مختلفة لوضعها فى مداخل الفيلات والحدائق يعانون من تعثر مهنتهم بسبب ارتفاع أسعار الزلط مثلما ارتفعت أسعار كل مواد البناء. حمادة عبدالرحمن، أحد العاملين فى المهنة، يقضى ساعات النهار جالساً على الأرض منهمكاً فى رص الزلط ولصقه، مهنة شاقة ولا توفر له دخلاً كبيراً لكنه متمسك بها بمبدأ «عصفور فى اليد خير من عشرة على الشجرة».

{long_qoute_1}

«بجيب الزلط من الجبل فى شكاير كبيرة، وبلبس جوانتى، وأفضّيه فى تنك كبير، وأكب عليه مية نار عشان يتغسل كويس وتنزل منه أى شوائب متعلقة بيه، وبعدها بغسله بالميه وأبدأ أرصه وأعمل منه أشكال مختلفة عشان تتركب فى الحدائق ومداخل الفيلات».

شهدت المهنة تراجعاً كبيراً خلال الخمس سنوات الأخيرة حسب «حمادة»: «الشغل قل بنسبة 60%، يوم شغال وعشرة لأ، لكن ماقدرش أسيبها، أهى حاجة باكل منها عيش، أحسن من مفيش خالص، أنا يوميتى 100 جنيه، بس المشكلة إنى مش شغال يوماتى».

«أحمد ثابت»، عامل آخر فى تلك المهنة التى يعانى أصحابها: «بشتغل من 7 الصبح لحد 7 بالليل، من غير راحة عشان مابصدق أشتغل»، مرجعاً سبب ركود المهنة إلى أن الناس نفسها لم تعد تشترى ولا تهتم بالزينة والديكورات: «إحنا شغلنا مش أساسى، يعنى مش كل الناس هتهتم تزين أرضيتها بالزلط، الناس عايشة بالعافية».

لا تأمينات ولا معاش ولا دخل ثابت هو حال كل العاملين فى المهن الحرفية وليس الزلط فقط: «يا ريت نشتغل تبع شركات ويبقى لنا دخل ثابت، أنا كنت شغال فى المعمار لكن مقدرتش أكمّل لأنه أصعب من المهنة دى».