بالصور| ابن أصالة "5 سنوات" يمر بأزمة عاطفية: "حاولت ألطف الأجواء بينهم"
أصالة
قالت المطربة أصالة إن ابنها علي (5 سنوات)، يعيش قصة حب لكنه اختلف مع حبيبته حاليا، ما تسبب في فقدانه الوعي، لافتة إلى أنه طلب مساعدة أخت حبيبته للإصلاح بينهما.
وكتبت أصالة، في تدوينة عبر حسابها الشخصي على موقع التواصل الاجتماعي "إنستجرام": "علّوشه بيحب، وأكيد كونه رسّام موهوب بيحب زيادة عن العادي، تخانق من مدّه مع حبيبته ومالقى غير أختها يشتكيلها منها، اتّصل فيها من الموبايل اللي شايفينه بالصوره وقعد يفضفضلها، والحقيقه إنّه اتصل بأختها لأنّه كمان صحاب معها، وقامت طلعت أختها عصبيّة وقالتله كلام عن جد بايخ".
وأضافت: "هلّأ هوّه كان شوي فاقد وعيه لأنّه كتير معلّق بحبيبته ومتخانق معها خناقة كبيره بنفس الوقت، أنا الحقيقة سمعت غصبن عنّي المكالمة وحاولت لطّف الأجواء، وعلوشتي بس يخلص من شوية التعصيب بيهدا وبيبتدي يفكّر وبيعتذر، وعلّوشه لمّا بيعتذر بيتصدّق لأنّه تاريخه بيشهدله".
وتابعت: "وبعد مابعت رسالة لأختها اللي هيّي بنوتة مو سهلة ومو كتير طيبة متل ماكان هوّه مفكرها، ومفادها إنّه بيعتذر طبعا وللأسف بالإنجليزي (لسّه مابيعرف يكتب عربي)، بعتتله الأخت رسالة واللي هوّه بالصوره بيقراها، قاسية وقويّة وكلام بمنتهى الغرابة، المهم تصالح هوّ وحبيبته وضلّت علاقته بأختها سيئه للغاية لدرجة إنها لو جنّت عالساندويتش تبعه بالمدرسة مابيعطيها عضّه، وقلّه أدّومي (يا أخي ماكان فيه داعي تدخّل حدا بينك وبين حبيبتك، شوفني أنا لهلّأ ماحدا بيعرف مين حبيبتي أصلا).