كنتم مع

حكمت المحكمة حضوريا ببراءة كل الحاضرين: الدبابة والخرطوش وقنابل كل الوحشين والقناصة وأى رصاصة والجمل المغصوب على أمره والدم المالى الميادين بعد ما شافه الطب الشرعى.. قال ما هو أصلا أصلا صلصة والرشاش كان ميه أكيد حكمت المحكمة حضوريا.. ببراءة العصر السابق بكفالة 100 ألف شهيد مع تقسيم الشعب المصرى إلى قسمين: إخوان وفلول وتحفظ على أهداف الثورة وتقيدها ضد المجهول وعقوبة كل الثوار، بشوية عجين الفلاحة مع أحيانا نوم العازب والقبض على الشعب المصرى كله بتهمة ف بلاغ كاذب .. نحيا فى أزهى عصور المانجة والكوسة لسه مخلصتش كنتم مع ثورة جميلة أوى.. مانجحتش لو عايز تذيع قول ذيع.. لو مش عايز قول منذعش