20 سنة «فخار»

08:56 م | الاثنين 22 أغسطس 2016

20 سنة «فخار»

منذ 20 عاماً يعمل محمد سيد فى مهنة الفخار، بدأ وهو فى الرابعة عشرة من عمره، ولم يتوقف عن العمل رغم تراجع المهنة، وقلة الطلب على الفخار: «زمان كنا بنشتغل كل يوم، دلوقتى يوم شغل وتلاتة مفيش، واللى مخلينى فى المهنة إنى بحبها، رغم إنى مش حاسس فيها بأى تقدير ولا تطوير»، كانت صناعة الفخار من أقدم الصناعات خاصة فى منطقة مصر القديمة، وبمرور السنوات تراجعت فى مقابل صناعات أخرى ليست بنفس الجودة ولا السعر: «أنا عملت معارض كتير وشاركت فى معارض فى دار الأوبرا، كنت ملك زمانى بالحاجات اللى بعملها وبتعجب الناس، دلوقتى لا فيه شغل ولا فيه حد بيطلب الفخار».

لم يفكر «محمد» فى ترك المهنة، رغم المصاعب التى يواجهها، على أمل أن يتحسن الوضع: «هسيبها وأروح فين، الشغل المتقطع أحسن من مفيش خالص، ومسير السياحة ترجع والحال يتعدل، لأن السياح بيحبوا الفخار وكانوا بيشتروه».