«الكهرباء» بتقول ترشيد.. و«منوّرة» فى عز الضهر

08:26 م | الجمعة 02 سبتمبر 2016

أعمدة إنارة على جانبى الشارع تعمل فى وضح النهار، مشهد استرعى انتباه محمد الزيات، أثناء زيارته الشركة القابضة لتوزيع الكهرباء شمال القاهرة بالمعادى، التى تعلوها لافتة كبيرة تحمل اسم وزارة الكهرباء والطاقة، عادت إلى ذهنه دعوات الترشيد التى تطلقها الوزارة، فيما استاء من مشهد الأعمدة التى تحيط بالمبنى وتعمل فى «عز الضهر».

{long_qoute_1}

قبل شهرين، اتبع الرجل الخمسينى بعض تعليمات وإرشادات الحكومة بوضع خطة محكمة لترشيد الاستهلاك: «كل يوم أصحى الصبح على أعمدة الكهرباء فى الشارع منورة من غير داعى، خاصة على الطرق السريعة، وحاولت أكون إيجابى وتقدمت بشكوى قبل كده، وقالوا هنتصرف، استنيت الأمر يتحسن، ومفيش فايدة»، يتابع «الزيات» غاضباً: «رجلى خدتنى فى يوم لحد مقر شركة شمال القاهرة، لاقيتها هى كمان منورة».

مشكلة المواطنين مع إضاءة أعمدة الشوارع فى ساعات النهار، هى نفسها التى تعانى منها الشركة، حسب أحمد محمود، المسئول عن وردية انقطاع الكهرباء بالشركة، وترجع إلى مشكلة فيما سماه «نظام الإحساس»، موضحاً: «إحنا عندنا مشكلة فى أعمدة إنارة المحيط بتاعنا، نظام الإحساس فى الأعمدة، يعنى (السينسور) معدوم، وهناك إصلاحات تتم حالياً لإعادة إحساس جهاز العمود وغلق الإضاءة تلقائياً مع ساعات النهار».