«محمد» عايش بـ«نص قلب».. بين الحضانة والموت

08:29 م | الجمعة 02 سبتمبر 2016

حياة الأسرة بأكملها تحولت إلى جحيم، فابنها الذى لم يتجاوز أياماً معدودة وُلد بـ«نص قلب» حسبما فهمت من الأطباء، حالة الطفل «محمد» النادرة التى تحتاج إلى أكثر من عملية جراحية تبلغ تكلفة العملية الواحدة ما يزيد على 60 ألف جنيه، «يعنى إيه ابنى عايش بنص قلب؟»، سؤال ردده الأب على الأطباء بالحضانة التى تستقبل الطفل منذ ولادته قبل أيام بأحد المستشفيات الخاصة بالمنصورة، دون إجابة واضحة أو مفهومة، «ابنى مش بيتحرك إلا بعربية إسعاف مجهزة، لأنه مينفعش يخرج من الحضانة إلا على العملية، وعايش على حقنة كل أسبوع بشتريها بـ800 جنيه عشان تساعد الدم يوصل للمخ من شريانين نص قلبه الموجودين بس».

{long_qoute_1}

المأساة التى يعيشها «السيد»، الذى يعمل سائقاً بإحدى الشركات الخاصة، لم تكن فى ثمن الحقنة، أو الأسعار المرتفعة للحضانة، لكن فى إجراء الجراحات التى يحتاجها طفله: «فى دكتور حاول يفهمنى أن ابنى حالته نادرة وتقريباً مش موجودة فى مصر، ومولود بشريانين بدل 4 اللى بيضخوا من القلب والمخ والعكس، يعنى بالبلدى أى حاجة بتبقى فى القلب نصها بس اللى موجود فى قلب محمد، وبالرغم من كل ده ابنى ماسك فى الحياة ولسه عايش»، معاناة قاسية، ومصروفات طائلة، ولم يعثر الأب على مكان يساعده لإجراء عمليات مولوده بتكاليف تناسب إمكانياته: «المبلغ كبير فى المستشفيات الخاصة، والحكومة مفيهاش سراير فاضية، وابنى قاعد فى الحضانة مش عارف مصيره إيه؟»، 3 عمليات يحتاجها المولود الصغير، تبدأ بعلاج الشرايين الموجودة، وزراعة شرايين إضافية، يضيف والده: «أجيب منين لكل ده؟.. والولد لو استنى مدة أطول ممكن يجراله حاجة»، حالة من الصدمة أصابت أمه منذ يقظتها عقب الولادة، تقول فى حزن: «محمد حلمنا، ربنا معاه ومعانا وقلبنا ما يتكسرش».