اتبرع باللى تقدر عليه.. اتبرع ولو بـ«شراب»

10:29 م | الاثنين 12 سبتمبر 2016

تحت شعار «اتبرع بأى حاجة»، ابتكر أحمد ممدوح، عامل كاشير، فكرة صندوق للتبرع يجوب به الشوارع ليقنع المارة بالتبرع للمحتاجين، الفكرة لاقت نجاحاً واسعاً، كلما اقترب من المارة فى أماكن مختلفة لتوضيح فكرته استقبلوه بصدر رحب: «الناس لما بتشوفنى بالصندوق وبقرب منهم بيفتكرونى فى الأول ببيع حاجة وعايز يشتروا منى، لكن بحاول أعرض ليهم فكرتى، وبقنعهم إنهم يتبرعوا بأى حاجة معاهم مش محتاجينها ومش لازم فلوس، وفيه ناس كتير بتسمعنى وتستجيب»، تبرعات غير تقليدية استقبلها «أحمد» من المارة كان أغربها: «واحد قلع الشراب اللى كان لابسه وادهولى على كوبرى قصر النيل لأن ماكانش معاه فلوس، وأنا أخدته من غير تردد، لأن موقفه يستحق التشجيع وهو ده هدفى».

{long_qoute_1}

لم يكتب الشاب أى جملة على الصندوق توحى بأنه مخصص للتبرعات، اكتفى بتوضيح فكرته للمارة شفوياً: «لازم يبقى فيه ثقة بين الناس وبعضها، الخير مالوش صاحب وبيبان، وبعدين شكلى لا واحد بشحت ولا نصاب، الفكرة كلها إنى بحاول أنشر الخير وسط الناس عشان تساعد نفسها حتى لو مش معاهم فلوس.