دفنوا الصندوق يا «محمد»

08:20 م | الاثنين 26 سبتمبر 2016

صناديق عملاقة سوداء اللون، مدفونة فى الأرض، لا يظهر منها سوى الجزء العلوى، مكتوب عليه أرقام غريبة، انتشرت على أرصفة شوارع مدينة الرحاب. شكلها اللافت للنظر جذب الانتباه، وأثار الجدل حول المبادرة التى أطلقتها «المصرية للاتصالات»، بدفن أكشاك التليفونات الضخمة فى الأرض، لمواجهة أزمة سرقة الخطوط.

شهاب محمد، أحد السكان، وقف أمام الصندوق المدفون، متعجّباً من شكله ومكانه: «مش عارف ده كشك تليفونات زى ما سمعت ولّا محول كهربا؟، الأصول يحطوا لنا جنبه ورقة يعرّفونا فيها ده إيه؟»، حاول الشاب التواصل مع جهاز مدينته لمعرفة الهدف من أكشاك التليفونات المدفونة: «الجهاز مايعرفش غير أنها مبادرة من المصرية للاتصالات للحفاظ على خطوط التليفون اللى كانت على طول عطلانة، لكن مش عارفين أنها معرّضة للانفجار». محمد أحمد، مسئول عن الرد بجهاز مدينة الرحاب، قال إنها مبادرة للحفاظ على الصناديق من السرقة والتلف: «إحنا أول مدينة يُطبّق فيها الصندوق المدفون، علشان كده الناس مستغربة شكله».