«التجزئة» وسيلة «عربات التموين» لمواجهة «أزمة السكر»

09:34 م | الاثنين 26 سبتمبر 2016

مشهد لفت انتباه الأهالى وأثار فرحتهم، عربة ربع نقل تتنقل بين شوارع العمرانية بالجيزة تحمل كميات كبيرة من أكياس السكر صغيرة الحجم تحمل شعار «بـ 2 جنيه» بدا مجرد ممازحة فى بداية الأمر، إلا أن سمير محمد، الذى كان يقف على بُعد أمتار من العربة، دفعه الفضول للاقتراب، ليجد الأمر «حقيقة مش خيال»، ويخبره الباعة بأن العربة تابعة لوزارة التموين.

{long_qoute_1}

وسط زحمة توافد الزبائن على عربة السكر، سارع الرجل الأربعينى بالدخول فى طابور المواطنين الذى امتد سريعاً، حتى يحصل على أكبر عدد من أكياس السكر بسعر مخفَّض: «مفيش حد كان مصدق سعر كيس السكر، ولما قربنا عرفنا إن الكيس نصف كيلو الصغير بـ2 جنيه والكيلو صافى بـ4.75 جنيه، فجريت آخد دور لأنهم مش بيبيعوا لحد اللى واقف فى دوره، والناس بتجرى وتلحق عشان تشترى».

لم يصدق «سمير» أن السكر تابع لوزارة التموين فى بادئ الأمر، حسب وصفه، «خُفت يكون تاجر عايز يوزع بضاعته أو حاجة بايظة بيتخلصوا منها، فى الأول كنت فاكر إن الباعة بيقولوا 2 جنيه عشان يجيبوا رِجل الزبون، لكن لما وقفت وأخدت دورى لاقيت السكر بنفس الثمن اللى بيقلوه، واشتريت كيسين نص كيلو أوفر وأحسن من السوق، وجبت عيالى يشتروا كل واحد أكبر كمية لأنهم بيدوا كل مواطن كيسين بس عشان الناس كلها تاخد»، موضحاً أنه حين تشكك فى تبعية أكياس السكر لـ«التموين» بسبب رخص ثمنه، أطلعه أحد الباعة على الكراتين المختومة من وزارة التموين، ومكتوب عليها «تابع للوزارة». أحمد إبراهيم، مفتش بمكتب تموين العمرانية، قال إن «عربة السكر» التى جابت شوارع الجيزة بأسعار تصل لنصف الثمن الموجود بالأسواق، تأتى جزءاً من مبادرة جديدة أطلقتها مكاتب تموين الجيزة بالتنسيق مع المحافظة، لمواجهة أزمة غلاء الأسعار وجشع التجار وكنوع من دعم المواطنين والتيسير عليهم.