خذوا الحكمة من 3 «عيال»: «كفاية ساندوتش ماما.. وبلاها مصروف»

10:07 م | الجمعة 07 أكتوبر 2016

الواقع الاقتصادى الذى نعيشه فرض نفسه حتى على تفكير الأطفال، لذا قرر ثلاثة طلاب من مدرسة «السبط الابتدائية» فى مدينة الخارجة بمحافظة الوادى الجديد أن يتعاطفوا مع آبائهم بتوفير المصروف اليومى الذى يحصلون عليه، والاكتفاء بتناول «ساندوتشات» الأسرة والوجبة المدرسية.

«أمير أحمد»، «مريم محمد» و«حبيبة جابر»، ثلاثة تلاميذ يدرسون فى الصف الرابع الابتدائى وفى فصل واحد، أعلنوا تعاطفهم مع آبائهم فى ظل الأوضاع الاقتصادية الصعبة، ولكن كان لكل واحد منهم رأى مختلف. «أنا شايف إن بابا بيحاول يحسن عيشتنا، ويشترى لنا حاجات تأمن لنا مستقبلنا، وفى نفس الوقت بيجيب لنا اللى عايزينه فى البيت، وبيخلينى آخد درس فى المادة اللى أنا حاسس إنى ضعيف فيها، عشان كده قررت من نفسى إنى آكل ساندوتش ماما وبس اللى باخده كل يوم الصبح معايا للمدرسة»، حسب «أمير». بينما ترى «مريم» أن والدها لا يعمل بشكل دائم، والعائد اليومى غير مستقر بالمرة «يوم فيه ويوم مفيش»، وعليها أن تتعاطف مع ظروف والدها: «مش لازم أتقل عليه وكمان آخد مصروف. بابا بيحاول يدينى مصروف، وأنا بقوله ملوش لازمة معايا، والله مش محتاجاه».

ولا يختلف رأى «حبيبة» عن سابقيها، فرغم صغر سنها، تقول: «بابا بيحاول يدينى المصروف، لكن أنا مش محتاجاه، لأن كل الأسعار غليت وبابا مابقاش قادر يشترى كل حاجة زى زمان».