مصرية فى الكويت تنتقد سلوكيات المصريين ببرنامج ساخر: «هما كلمتين»
مصرية فى الكويت تنتقد سلوكيات المصريين ببرنامج ساخر: «هما كلمتين»
من منطلق تسليط الضوء على المظاهر الاجتماعية السلبية من جشع تجار وارتفاع أسعار واستخدام الشباب السيئ لمواقع التواصل الاجتماعى وغيرها من القضايا، قررت ديدى النجار، شابة مصرية تعيش بدولة الكويت، أن تناقش قضايا مجتمعها المصرى من خلال برنامج على «يوتيوب» بعنوان «هما كلمتين».
كنبة صغيرة وكاميرا هما كل ما تملكه الشابة العشرينية لتصوير حلقاتها، سواء داخل شقتها أو فى شوارع دولة الكويت، فبين الحين والآخر تستعين «ديدى» بعدد من المصريين الموجودين بالكويت أو داخل مصر، لتصوير حلقات برنامجها: «برنامجى اجتماعى بيتكلم عن أى حاجة وكل حاجة فى حياتنا كمصريين.. ورغم أننى خريجة علوم بس كان نفسى أبقى مذيعة فقلت وقت فراغى أستغله فى حاجة مفيدة فعملت برنامج وبقول كل حاجة فى كلمتين».
لم تنسَ «ديدى» ربات المنزل، فقدمت بعض الأكلات منخفضة التكاليف، حتى تتماشى مع حالة الغلاء التى يشهدها المجتمع المصرى فى الوقت الحالى، إذ إنها ترى أن برامج الطبخ الشهيرة لا تتماشى مكونات الأطعمة فيها مع حالة المواطن المصرى البسيط.
«ميزانية البيت»، «مصاريف المدارس والعيد»، «الإنترنت وسنينه»، «مراتى فى الدورى»، «قيادة المرأة للسيارة».. كانت تلك مجموعة من حلقات برنامج «هما كلمتين»، حيث رصدت الشابة العشرينية من خلال حلقة بعنوان «سيبونى فى حالى» نظرة المجتمع المصرى المادية إلى المواطنين العائدين من الخارج: «الغربة وحدة وألم مش بس فلوس، حال المغترب مش بيحس بيه إلا اللى جرب الغربة، كل الناس بتبص للمغترب على أنه شوال فلوس مجرد من المشاعر».
وتستكمل: «آه إحنا مصريين بالخارج بس حاسين بالبلد ونفسنا تتغير وأكتر حاجة لازم تتغير هى أخلاق الناس، لأن لو الأخلاق رجعت زى زمان هتلاقى كل الناس بتشتغل بضمير ومش بتستغل بعض».