بالفيديو| الجيار: عشنا أزمات كتير في 67.. وعمرنا ما تظاهرنا بسبب نقص السكر

04:28 م | الثلاثاء 18 أكتوبر 2016

قال الفنان هادي الجيار، إنه عاصر صعوبات مرت على مصر أكثر مما يحدث الآن، مضيفا: "في الفترة من سنة 1967 لحد 1973، كان الجدع اللي يعرف يجيب باكو شاي أو كيس سكر".

وأضاف الجيار، خلال حواره مع الإعلاميات مفيدة شيحة ومنى عبدالغني وسهير جودة ومها بهنسي، في برنامج "الستات مايعرفوش يكدبوا" المذاع على شاشة "سي بي سي": "كانت الناس تجري في الشارع، ولما تسأل يقولوا في فراخ بالجمعية، وكانت الجمعية تعطي فرخة واحدة، أو اتنين لو كانت الأسرة كبيرة، أو يقولوا في زيت في الجمعية، وكانت زجاجة واحدة، وكيلو سكر".

وتابع الجيار: "كانت البنية التحتية للبلد مكسرة على أيامنا، وكان الأتوبيس اللي بيساع 50 أو 60 شخص عليه 200، والناس قاعدة على الشبابيك، ومدلدلة رجليها برا، والأتوبيس مايل لدرجة احتكاك السلم اللي بيطلع الركاب بالأسفلت، وعمري ما شفت مظاهرة فين السكر أو الرز".