«جيهان» أصيبت بـ«فيروس C» وبعد شفائها: صرفوا العلاج

10:21 م | الثلاثاء 18 أكتوبر 2016

اعتاد الأطباء رؤيتها، انتظارها بالساعات هى وزوجها فى طابور مرضى المركز القومى لمكافحة الفيروسات الكبدية، توسلها لكل من تقابله أملاً فى الحصول على جرعة عقار «السوفالدى» لعلاج مرض فيروس سى الذى أصابها، واعتادت هى أيضاً ردود الفعل، التى تنتهى دائماً بـ«استنى دورك»، مرت 5 سنوات، واستقبلت «جيهان» قرار صرف علاجها على نفقة الدولة، بعد أن اكتمل شفاؤها تماماً من المرض، الذى أنفق الزوج فيه كل ما يمتلكه.

{long_qoute_1}

«تم الموافقة على صرف جرعات دواء السوفالدى للمريضة على نفقة الدولة، نرجو السرعة فى تسلم العلاج من المركز».. ملخص المكالمة الهاتفية التى استقبلتها جيهان أحمد عبدالمتولى، من موظف المركز، بعد 5 سنوات مرت دون «حس ولا خبر»، نهش فيها المرض كبدها وشفاها الله منه، لتقف السيدة الأربعينية فى حيرة، لا تعلم ماذا تقول؟، بعد خطوة موافقة الدولة لصرف علاجها التى تأخرت كثيراً بحسب وصفها: «بعد ما شاب ودوه الكتاب، ده أقرب مثل عليا فعلاً، يعنى بعد ما عشت أيام سودا أنا وجوزى فى مرضى، وباع كل اللى حيلته عشان يعالجنى، جايين دلوقتى يقولوا ليا العلاج موجود».

رغم الحياة التى كانت تتلخص فى الآلام والوجع بسبب المرض والعجز، لم يعق «جيهان» فى الحمل والإنجاب رغم ظروف الزوج القاسية، ولم يمنع ضيق ذات اليد من الفرح بما رزقه الله بطفل: «ربنا وقف جنبنا كتير، خلفت وأنا فى عز مرضى ياسر، وربنا ولده معافى وجيه برزقه، جوزى اشتغل اكتر من شغلانة بعد ما كان شغال فواعلى، وبعنا البيت اللى كان حيلتنا فى الزقازيق وقعدنا فى أوضة ومزعلناش عليه، عشان جوزى الله يبارك فيه يقدر يوفر ليا العلاج، لأننا لو كنا استنينا يصرفوا ليا العلاج ببلاش كان زمانى موت من أول شهر»، وتابعت: «بتمنى من الدولة يصرفوا العلاج بتاعى لمريض تانى، بدل ما يقعد 5 سنين زى لحد ما يتصرفله».

«فروق أسعار أدوية السوفالدى مرتفعة، لأننا لم ننجح بالمفاوضات مع الشركات الأجنبية.. وده أكبر سبب لعجز الدولة عن توفير العلاج لمرضى فيروس سى، خصوصاً أن أعدادهم فى تزايد مستمر»، جاءت الإجابة على لسان الدكتور محمد عز العرب، رئيس وحدة الأورام بالمعهد القومى للكبد، موضحاً أن الوزير أصدر قراراً بعدم الاستعانة بالأدوية الأجنبية لعلاج مرضى فيروس «سى» إلا فى أصعب الحالات، ويصرف المثيل المصرى فقط بسعر 600 جنيه للعلبة: «عشان كده بدأت تتحل الأزمة ونصرف العلاج لقائمة المرضى المنتظرين صرف العلاج».