أهالى شبين الكوم يواجهون غلاء الأسعار بثلاجة أكل مجاناً

11:04 م | الأربعاء 19 أكتوبر 2016

فى الوقت الذى يعانى فيه كثيرون من ارتفاع أسعار المنتجات والسلع الغذائية فى الأسواق، قرر عدد من أهالى شارع الجلاء البحرى مدينة شبين الكوم محافظة المنوفية، تبنى مبادرة بشراء ثلاجة منزلية ووضعها فى الطريق لتقديم الطعام للمارة بالمجان.

وضع المشاركون فى المبادرة الأطعمة المغلفة من جبن ومربى وفول طوال أيام الأسبوع ما عدا الجمعة، فهو اليوم الوحيد الذى يقدمون فيه أطعمة طازجة من اللحوم والخضار والأرز ووضعها فى أطباق بلاستيكية ليأكل منها الفقراء والمحتاجون. وحسب جمال يونس، أحد المتطوعين فى المبادرة، فإن الفكرة من اقتراح طالب فى كلية التجارة: «الناس اللى محتاجة كتير وفيه شباب عايزين يغيروا البلد من غير مظاهرات».

العمل فى إطار القانون دفع القائمين على المبادرة إلى توصيل الكهرباء من أحد أصحاب الأكشاك المجاورة للثلاجة، حتى لا يقعوا فى أخطاء قد تعرضهم للمساءلة القانونية: «إحنا اتفقنا مع شيف بيطبخ أكل يوم الجمعة بنفسه ويحطه فى أطباق بطريقة آدمية عشان الناس تاكل وهى مطمئنة من نظافة الأكل».

ذاع صيت المبادرة بين المحافظات الأخرى، حتى إن بعض محافظات الصعيد باتت تتواصل مع القائمين على المبادرة لأخذ خبراتهم فى كيفية إعداد وتجهيز الثلاجة بالإضافة لتأمينها من السرقة: «فيه أسر عملنا عليها أبحاث إنها محتاجة فعلاً ودى عملنا لها كروت بتروح تاخد طعام بشكل يومى.. ده غير أطفال الشوارع اللى بنحط لهم جبن فى سندوتشات وبنوزعه عليهم طول اليوم».