«مخبز»: الفينو بـ30 قرش.. واللى عنده خامات أرخص يقول

07:46 م | الخميس 20 أكتوبر 2016

ورقة بيضاء مدون عليها أسعار السلع قبل وبعد ارتفاعها، علقها محمد الشامى، صاحب مخبز فينو، على زجاج محله بمنطقة العباسية، لشرح سبب زيادة سعر رغيف الفينو، ويطلب من الزبائن فى نفس اللافتة بعبارات كتبها بخط يده: «برجاء اللى عنده أسعار خامات أرخص أن يتصل بى عشان أخلى الفينو بـ20 قرش وشكراً».

{long_qoute_1}

لم يترك الغلاء مكاناً إلا وطرق أبوابه؛ من الفواتير والرسوم إلى العديد من السلع، ما دفع الرجل الستينى إلى تعليق لافتته، بعد أن فوجئ زبائنه الذين اعتادوا أسعاره «القديمة» التى لا تتأثر بالدولار مع كل زيادة كما تتأثر باقى السلع، لذا خاطب الجميع: «نداء لكل مخابز الفينو: اشرحوا للناس سبب زيادة الأسعار بالتفاصيل زيى، واطلبوا من الزبائن اللى يقدر يوفر أسعار أقل يقول لينا أماكنها، عشان نحارب الاستغلال وجشع التجار».. كلمات قصد بها «محمد»، الحاصل على بكالوريوس تجارة، التعبير عن غضبه من حالة الغلاء التى طالت كل شىء.

يطبق عم «محمد» مبادرته قولاً وعملاً، يحرص على فتح المخبز يومياً، والجلوس فيه لاستقبال الزبائن الذين يتفاعلون مع طلبه، ويوجهونه لأماكن تبيع السلع بأسعار مخفضة: «ناس كتير عملت مقاطعة لمخابز الفينو بسبب الغلاء، والمحل دلوقتى مفيش حد بيشترى منه أكتر من اللى بييجى عشان يبيع ليا الزبدة والسمنة وباقى الخامات بأقل من سعرها، وفعلاً بروح أشترى منهم، وببيع الفينو دلوقتى بـ30 قرش، بدل 50».

ردود فعل الزبائن الإيجابية منحت الرجل المزيد من الثقة فى تجارته، فـ«شادى مدحت»، أحد المواطنين الذين دعموا الفكرة، يؤكد: «ما أقدرش أشترى الفينو بنص جنيه وجنيه، عشان كده نفسى اللى عمله عم محمد تعمله كل المخابز».