لو كنت مكانه شاب عنده موهبة وأهله مش مشجعينه يدرسها وينميها
صورة أرشيفية
محمد حامد، 26 سنة:
هقنعهم لحد ما يوافقوا إنى أمارسها وأنميها علشان هبقى شايف نفسى فيها.
محمد ناصر، 24 سنة:
لو ده حصل معايا هحاول أوفق بين إنى مخسرش موهبتى، ومزعلش أهلى.
يسرا محمود، 23 سنة:
هتناقش معاهم، ولو موافقوش هعقد معاهم اتفاق على إنى أبنى مستقبلى، وفى نفس الوقت هشبع موهبتى.
سارة عبدالسلام، 22 عاماً:
هنميها من وراهم، لأنها حياتى أنا مش حياة حد تانى.
عبدالرحمن أحمد، 25 سنة:
هقول لهم عليها ولو صمموا على رأيهم همارسها من وراهم.
محمد عبدالرازق، 24 سنة:
هسمع كلامهم علشان أكيد عارفين مصلحتى فين.
آية جمال، 23 عاماً:
الموهبة بالنسبة لى الحاجة اللى بتدينى طاقة إيجابية، مش هسمح لحد إنه يمنعنى عن الحاجة اللى بحبها وبتبسطنى.
جهاد محمد، 22 عاماً:
لو قلت لأهلى عايزة أنمى موهبتى هيقولوا لى أدخل نام، فهتناقش معاهم وأقول لهم إنى عايزة أعمل الحاجة اللى بحبها.