خذوا الحكمة من جزار: ناس مش لاقية السكر.. هتشترى لحمة؟

09:12 م | الأحد 30 أكتوبر 2016

جزاران يعملان فى محل واحد، الأول كان يملك جزارة خاصة به لكنه أفلس بسبب قلة البيع، فأغلق المحل وقرر العمل فى جزارة الثانى، الاثنان بعد الاندماج فى كيان واحد يعانيان من قلة الزبائن بسبب ارتفاع الأسعار، فصال الزبائن و«المناهدة» كثيراً دفعتهم إلى تعليق لافتة «الكيلو بـ100 جنيه.. كلام نهائى، ليغلقا الباب أمام أى فصال».

«أنا أول مرة فى حياتى أعلق تسعيرة، عشان المشكلات وكلام الناس الكتير، مش كل حد ييجى يشترى هيقعد يفاصل وأفضل أناهد معاه وفى الآخر يمشى، دلوقتى الناس كلها شايفة السعر اللى عايز أهلا وسهلاً واللى مش عايز خلاص»، قالها طارق كامل، الشهير بـ«طارق الجزار»، مؤكداً أن سوق اللحمة فى تراجع شديد وأنه بعد أن كان يذبح 4 عجول أسبوعياً أصبح يكتفى بنصف عجل فقط: «فرقت معايا فى 3 عجول ونص، ومش بإيديا أعمل إيه، عندى إيجار وفلوس صنايعية ومصاريف تانية». ظروف الحياة أصبحت قاسية على الجميع، وفقاً لـ«طارق»: «أنا بعانى زى أى مواطن، معنديش سكر واشتريت الكيلو بـ12 جنيه، والغلاء مش بإيدينا، أنا لو بعت بأقل من كده هخسر، اللحمة غالية عليا وعلى الزبون»، أما أحمد ماهر، الذى يعمل مع «طارق» فى المحل نفسه، بعد أن كان يملك جزارة خاصة به فقال: «كان عندى جزارة قفلتها بعد العيد من قلة الشغل، يوم ما قفلت كان الكيلو بـ85 جنيه، جيت اشتغلت هنا بقى بـ100 جنيه ومفيش شغل».

يحزن «ماهر» كثيراً بسبب الحال الذى وصلا إليه: «اللى كان يشترى كيلو بقى بيكتفى بنصف وأحياناً ربع»، ثم يحكى عن المواقف الغريبة التى يتعرضان لها: «مرة واحدة قطعت كيلو لحمة، وبعد ما قطعتها عايزة ترجعها، تقولى مش معايا ما كنتش أعرف إنها بالسعر ده عشان كده علقنا يافطة السعر».