بالصور| 11/11 في الإسماعيلية.. كورة وشوي وصيد
مواطنون حرصوا على التنزه في يوم هادئ
قوبلت دعوات التظاهر، اليوم الجمعة، في محافظة الإسماعيلية بتحد كبير من الأهالي والمواطنين، بعد أن شهدت المتنزهات والحدائق وكورنيش المحافظة إقبالًا كبيرًا من الأهالي.
وتوافد المتنزهون على حدائق نمرة 6 وحرصوا على إقامة "حفلات شوي" في تجمعات عائلية كبيرة، بينما فضل البعض الصيد داخل البحيرات وعلى ضفاف القناة، فيما تريض البعض الآخر ومارس رياضة المشي، وتواجد عدد مماثل من الشباب ومارسوا لعب كرة القدم.
وقال شعبان محمود "معاش": "قررت النزول مع أولادي وأحفادي في رسالة مهمة أن مفيش حاجة اسمها خلاص تظاهر خلصت الثورات مع 30 يونيه، دلوقتي دقت ساعة العمل والإنجازات والتشييد، لازم نقف بجانب مصر ونساند رئيسنا، كفاية غم وهم، واللي هينزل هناكله، كفاية غباء وعداء للوطن".
فيما قالت ياسمين شعبان حاصلة على ليسانس آداب: "قررت أقضي اليوم، وسط الشوي وجو أسري ممتع بصحبة أهلي وأولادي، تظاهرات إيه وكلام فارغ، الشعب خلاص مش هيرضى بعودة أيام الفوضى، خلينا نطلع لقدام بمصر".
وقالت فوزية محمد رمضان 65 عامًا: "مصر بخير، والجيل الحالي لازم يتحمل ظروف البلد مش أكتر من اللي إحنا شفناه وعشناه أيام الهجرة، الظروف دلوقتي أفضل مليون مرة، وعلى الشباب أن يفهم وينزل يسجل حضور بأي عمل إيجابي ضد دعوات التظاهر والتخريب".
وقال رامي فؤاد، 22 عامًا: "قررت انزل اصطاد أنا وأصدقائي الخير من البحر واتعامل مع الرزق الغيبي أفضل كتير من دعوات الغباء وتهديد الوطن والحمد لله ربنا كرمني لغاية دلوقتي بـ11 سمكة، ومصر أكمل يمكن اصطاد 11 كمان ويبقي أحلى 11/11 عشته".
وتابع سامي محسن: "نزلت أنا وأصدقائي نلعب كورة، ماهو مافيش حاجة اسمها تظاهر ولا كده، مصر آمنة بشعبها وشرطتها وجيشها العظيم".