القواعد الأربعون لترشيد البنزين: وفّر فلوسك

09:02 م | الثلاثاء 15 نوفمبر 2016

«إزاى تتعامل مع عربيتك بعد زيادة أسعار البنزين؟»، عبارة صارت على لسان حال الكثيرين بعد القرار الأخير برفع الدعم جزئياً عن الوقود، فبينما قرر البعض الاستغناء عن السيارة واللجوء للمواصلات العامة، واختيار آخرين «العَجَلة» كوسيلة مواصلات، كانت لـ«أحمد ممدوح» تجربة مختلفة فى ترشيد استهلاك البنزين، دون الحاجة للاستغناء عن السيارة، كل ما تحتاجه التخلى عن عادات خاطئة أثناء القيادة، ورفاهية زائدة لم يعد الوقت مناسباً لها.

«طول الوقت بنشوف إعلانات بتتعمل بالملايين لترشيد استهلاك الطاقة فى وسائل الإعلام، ما فيهاش كلمة واحدة تقول لنا نرشد إزاى»، كلمات «ممدوح»، الذى قرر أن يقدم خلاصة خبرته فى مجال السيارات فى صورة عملية، تساعد المقربين منه فى التعايش مع السيارة، التى صارت عبئاً إضافياً، بدلاً من كونها وسيلة مريحة: «فيه 40 حاجة مهمة كتبتها، منها بدل ما ناس كتير غاوية تخميس بعربياتها وده بيحرق بنزين كتير تخف رِجلها شوية وبلاش منه، وبرضو لازم ننسى الشد والحرق على الغيارات، الكماليات الزيادة وشغل التيربو والديفيل وفلتر الهواء الرياضى ده تنزل تشيله وتستغنى عنه خالص».

ليست دعوة للتخلى عن العادات الخاطئة فقط، ولكنها دعوة لتوفير البنزين: «فيه حاجات كتير ممكن نوفر بيها البنزين، زى إنك تبطل عربيتك ولو 20 ثانية، التكييف بلاش منه، لو الدنيا زحمة اركن على جنب لحد ما تسلك، بدل ما تحرق بنزين على الفاضى».