التراثى النوبى.. اتفرقنا آه.. بس الهوية تغلب التهجير

07:23 م | الاثنين 28 نوفمبر 2016

تعلقت البنت النوبية بالأرض، بالأهل، حتى لو بعدت بالمكان، وعاشت فى محافظات أخرى، إلا أن قلبها لا يزال يتعلق بأرضها، بتراثها، وبثقافتها، تحلم بالعودة إلى المدينة القديمة، تحلم بنوبة أفضل لكل النوبيين. تعيش «نسمة حداد»، الفنانة التشكيلية، فى القاهرة، ولكن تعيش النوبة بداخلها، حكايات الأهالى عن الفرق بين النوبة قبل وبعد الهجرة لا تنساها، تتذكر كلماتهم: «الحلم الجميل اللى كانوا عايشين فيه، صحيوا منه لقوا نفسهم فى كابوس مفيش حكاوى عن المكان الجديد كله زعل، بيقارنوا المكان القديم بالجديد، مقارنة الأرض البيوت اللى على النيل، الزرع والمحصول حتى طراوة الجو، هيقارنوا ده بالجبال اللى اترموا فيها مليانة عقارب، وطبيعة الأرض لا تصلح للبناء، وبيوت تتشقق وتقع على دماغ الناس وناس ماتت».

{long_qoute_1}

تحرص «نسمة» على الذهاب إلى أهلها بالنوبة 4 مرات كل عام بقرية السيالة، لسببين كما تقول: «أول حاجة صلة الرحم والتواصل مع أهالينا، اللى عايزينا دايماً قريبين من الأرض ونسمع منهم حكاويهم، خاصة الكبار، جدتى وعماتى وخيلانى، والسبب التانى هو شغلى، اللى مرتبط بالهاند ميد النوبى، الديكور، والإكسسوار والملابس النوبى».

تحلم «نسمة» بإيصال موروث النوبة، وثقافتهم وحكايتهم للجميع، وتملأ به الدنيا، وذلك حباً فى ثقافتها النوبية: «الزى النوبى جميل، التوب النوبى والجرجار، وبحاول أنقل ثقافة اللبس ديه، والناس بيعجبهم جداً».

عن المرأة النوبية، تحكى «نسمة» أن الجميع يحترمها، لها كلمتها، حتى شيوخ وعمد القرى يأخذون بنصائح المرأة، لا يقللون منها، لها وضعها، لها الحق فى العلم، والعائلة وعلى جميع المستويات، وعن حقوقها وحقوق كل أهالى النوبة، وحق الرجوع للأرض تحكى «نسمة»: «أنا نسمة مش هناطح النظام، مش ضعف منا، لكن أهالينا ربّونا على احترام الكبير، لكن برضه مينفعش النظام يناطحنا، زى ما ربونا نحترم الكبير، برضه علمونا مينفعش نسكت على حقنا، لو ليّا حق هتكلم بالذوق والأصول، وآخد حقى». {left_qoute_1}

أما «داليا شعبان»، فحياتها ودراستها ثم عملها بالقاهرة جعلتها تزور بلاد النوبة كل عام، وبالرغم من حياتها فى القاهرة فإنها تحاول المحافظة على هويتها وثقافتها النوبية، وتحاول أن تعلم وتتعلم «نوبى»، وسمعت حكايات التهجير من أهلها، صعوباته، قسوته، من مات بشكل قاس، ومن غرقت أشياؤه أثناء الهجرة.

إيمان «داليا» وحبها لثقافتها النوبية، هو ما جعلها تقوم بحملة مع صديقتها النوبية «كوثر على» فى شوارع القاهرة، ارتدت «داليا» الجرجار النوبى، وقامت بتصويرها، وتجولتا فى مناطق عدة، مول، المترو، الشوارع: «ناس كانت توقفنى تسألنى عن اللبس، وهو ده المطلوب، نشر الثقافة النوبية، وهو أمر شاغلنى طول الوقت إن ثقافتنا وحكايتنا توصل لكل الناس».

أما عن زى الجرجار الأسود، فتحكى «داليا»: «لما البنت النوبية بتخرج فى الرمل، بيتجر وراها ويشيل آثار أقدامها، قبل التهجير، كان البنات والستات بيلبسوه لونه أبيض، بعد التهجير، كله بقى يلبسه أسود».

أما الفنان «عوض أنور» فتشغله دائماً فكرة نشر الثقافة والتراث النوبى، هو من إحدى قرى مركز النوبة، يحرص على إنتاج المشغولات اليدوية النوبية، ويهدف إلى انتشارها وعدم زوالها، وتوريثها من جيل إلى جيل: «عشان الجيل اللى طالع مينساش أجداده كانوا عايشين إزاى، زمان كانت كل حاجة بالفخار وكانوا عايشين على النيل، ومصدر أكل عيشنا من خوص النخيل». يصنع المشغولات اليدوية من الخوص، كالأطباق النوبية والإكسسوارات النوبية كالخواتم والحلقان، ويحكى «عوض»: «زى ما بنورث التراث، بنحاول نورث الحكايات اللى ورثناها من جدودنا، بنحكى الحكايات كما سمعناها، الحياة اللى كانت على النيل، مكانش فيه أمراض، كان فيه أحلى سمك، ومفيش كيماويات».

وقت التهجير كان عمره عاماً، لم يكن يدرك وقتها ما يحدث، ولكنه أدرك من حكايات آبائه: «قالوا لى يوم التهجير ده الحياة اختلفت 180 درجة، بهدلونا صح، ورمونا وضحكوا علينا قالوا لنا فيه وفيه وملقيناش أى حاجة من الوعود». يحكى «عوض» للجيل الجديد كما حكى له آباؤه، ويحاول إيصال تراث النوبة وتوريثه كما فعل معه آباؤه.