مشروع على «عجلة»
مشروع على «عجلة»
محل ملابس متنقل مشروع اختاره حمدى حنفى، لحماية أسرته من العوز والفقر، ورغم بلوغه الـ66 عاماً إلا أن ذلك لم يمنعه من الخروج يومياً للعمل مع زوجته فى شوارع المعتمدية: «كنت بشتغل قهوجى وهى مهنة مالهاش معاش» يقولها «حمدى» بأسى بينما يجر الدراجة التى اشتراها بـ1500 جنيه بالتقسيط، ثم ركب عليها صندوقاً خشبياً صنعه بنفسه، وضع بداخله ملابس البالة التى يبيعها: «باخد معاش ورث عن أبويا 600 جنيه، ولازم أوفر مصاريفى أنا ومراتى من أكل وشرب و610 جنيه إيجار، كان لازم أنزل أشتغل»، لا يستطيع «حمدى» قيادة الدراجة فيجرها بيده: «صحيح أنا عندى مشكلة فى فقرات الضهر ومركب مسامير وجاتلى جلطتين بس اللى عايز يشتغل يتصرف، المشكلة إن ممكن يمر عليَّا يوم كامل من غير بيع، أو أكسب فى اليوم كله 10 جنيهه بس، وكل اللى نفسى فيه إن ربنا مايحوجناش لحد أنا ومراتى».
