جديد أزمة الدواء: «ادفع واحجز.. واستلم بعد كام يوم»

08:59 م | الاثنين 28 نوفمبر 2016

أزمة فى سوق الأدوية على مدار أشهر، بين نقص بعض الأصناف أو ارتفاع أسعارها، دائماً يبحث المواطن تحت ضغط المرض والاحتياج، فتواجهه ردود صادمة: «مش موجود، ناقص، مفيش، السعر ارتفع»، لكن هناك رداً جديداً أضيف إلى قائمة الردود السابقة من بينها، «ادفع قيمة حجز، والاستلام فى الميعاد الفلانى»، إضافة جديدة فوق كاهل المواطن تعرضها بعض الصيدليات فى صورة خدمة للمواطنين فيما يتعلق بالدواء غير متوافر الكمية، لكنها تزيد من معاناتهم، لا سيما بالنسبة لمحدودى الدخل والفقراء.

{long_qoute_1}

بوجه شاحب، وعينين زائغتين، جلست الحاجة «فاطمة» على أريكة حديدية صدئة بمنزلها، تنتظر ابنتها بدواء مرض السكر، رحلة قطعتها ابنة السيدة العجوز بين صيدليات عدة، لينتهى بها الحال بدفع 20 جنيهاً قيمة حجزه بإحدى الصيدليات الخاصة بمنطقة صقر قريش، «أغلب الصيدليات بقوا يطلبوا بشكل مباشر فلوس لحجز أى دواء ناقص، وعند الاستلام بعد يومين أو تلاتة بندفع تمن الدواء عادى جداً، يعنى فلوس حجز فوق سعر الدواء»، قالتها «نبيلة» التى تعانى من أجل توفير الدواء لوالدتها، وتضطر إلى الاستجابة لما تسميه استغلال الصيدليات، تضيف: «دفعت 150 جنيه للدوا، و20 جنيه حجز، يعنى ضعف اللى كنا بندفعه زمان»، توضح: «الإنسولين كنت بشتريه بـ55 و65 جنيه، وده كان البديل عن باميدين الرخيص للسكر اللى بـ10 جنيه، وأنا لا بلاقى ده ولا ده فى السوق، لحد ما بقيت أحجزه بفلوس، ويشلوه ليا وآخده بسعره بعد الزيادة».

ليست «فاطمة» وابنتها «نبيلة» وحدهما، أمثلة أخرى فى مناطق متفرقة تكشف انتشار الظاهرة الجديدة، من بينها محمد عبدالحافظ الذى اضطر للموافقة على عرض صيدلية فى شبرا بدفع حجز لحين توفير نوع الدواء الذى يريد شراءه، «قالوا لى ادفع واحجز، يعنى نلاقيها من المرض ولا سعر الدواء اللى زاد 10 أضعاف تمنه، ولا نقصه فى السوق، ولا اللى بيستغلوا وياخدوا فلوس تحت بند الحجز»، لم يسمع هذا الطلب من قبل، لكنه استجاب ليرفع فرصته فى الحصول على الدواء.