لو كنت مكانه: اتفاجئت إن حد من أصدقائك بِعِد عنك بعد ما اتخطب أو اتجوز
لو كنت مكانه: اتفاجئت إن حد من أصدقائك بِعِد عنك بعد ما اتخطب أو اتجوز
هبة الله طارق، 24 سنة: «هكلمها كذا مرة وأعاتبها، لو فضلت منفضّة ومصممة تبعد مش هعرفها تانى».
سكر على، 24 سنة: «أكيد ولا هتفرق معايا وجود شخصية زى دى فى حياتى هعتبره كان سوء اختيار وأكيد مش هحاول أقرب من حد أنا مش فارقة معاه».
محمد فوزى، 26 سنة: «ولا هيفرق معايا خالص».
مى سيد، 25 سنة «لو بعدوا كده من غير سبب هعرف أن اختيارى ليهم كان غلط من الأول».
شروق أحمد، 24 سنة: «هعاتبها مرة واحدة بس وأسألها ليه بتعملى كده، لو مالقتش رد هعتبر نفسى ماعرفهاش».
مصطفى دبور، 23 سنة: «لو صاحبى عمل كدا هعاتبه أكتر من مرة، بس لو هو حابب الوضع دا خلاص هسيبه براحته ماقدرش أغصبه أنه يبقى على صداقتنا».
هبة زكريا، 20 سنة: «مش هعمل حاجة هسيبهم لحد ما يرجعوا يكلمونى لوحدهم».
ياسمين السيد، 22 سنة «هقدّر ظروفهم وتغير أحوال الدنيا عشان مابحبش أعاتب حد وهيفضلوا أصحابى حتى لو اتكلمنا بعد 100 سنة».
