محمد موسى: "ماحدش بيشتغل في البلد غير السيسي"

انتقد الإعلامي محمد موسى، أداء حكومة شريف إسماعيل، قائلا: "أنا بحب تراب البلد دي، والله العظيم ماحدش بيتشغل في البلد دي غيرك ياريس، وكل الحكومة دي بتاخد من رصيدك، وبيستغلوه وبيخنقوا في الناس كل شوية، وانت بتحنوا على المواطنين والحكومة تخنقهم، يوما بعد يوم".

وأبدى موسى، خلال برنامجه "خط أحمر"، على شاشة "الحدث اليوم"، استيائه من أداء وزير التموين اللواء محمد علي مصيلحي، واصفا إياه بـ"سيء جدا"، متابعا: "وأنا مش بتاع تطبيل، اللي بينجح لازم أقول إنه نجح، واللي أخفق لازم أقوله".

وأضاف موسى "الرئيس بيواجه الفساد، وزارة التموين بتشتغل علشان استقرار الأسواق وإنت أصلا يا وزير التموين ماعندكش استقرار ولا رقابة، الناس بتصرخ الناس مستحملة علشان الرئيس، وماحدش طايق الحكومة والله"، داعيا كل وزير أن ينزل الشارع ويسأل عن آراء الناس في الوزراء.

كما علق الإعلامي محمد موسى، على خطاب الرئيس، قائلا: "الرئيس حاسس بالناس".