صديقة مسلمة لإحدى ضحايا "البطرسية" توجه رسالة لها: "عشان كده حضنتيني امبارح"
البطرسية
كتبت آية عماد، صديقة فيرينا عماد، إحدى ضحايا تفجير الكنيسة البطرسية بالعباسية، رسالة إلى صديقتها الراحلة، عبر حسابها على "فيس بوك".
وقالت آية لصديقتها: "دخلتي من باب الكنيسه روحتي على باب السما، كنتي بتقوليلي جدو وحشني يا آية، بس مش لدرجة إنك تسيبيني وتروحيله، مين هيجي معايا الجامعة؟ مين هيصبرني على قرفها غيرك طيب؟ إنتي عشان كدا إمبارح كنتي بتقوليلي بحبك كتير؟ عشان كدا حضنتيني؟ طب إنتي كان ليكي بوسة وحضن عندي؟ وقلتيلي عايزاهم على غفلة، مش هتاخديهم؟ طب ال jacket يا فيرينا؟ حاجتك اللي معايا طيب؟ مين هينزل معايا الجامعه؟ طب الأكل اللي هناكله أما تفطري؟ طب الراجل أكيد جاب التونة، تعالي نروح ناكل.. يا فيرينا.. هستناكي الصبح".