للتاكسى «مرايتين»: واحدة للطريق.. والتانية لمراقبة الركاب
للتاكسى «مرايتين»: واحدة للطريق.. والتانية لمراقبة الركاب
- السطو المسلح
- الطرق السريعة
- الطريق الدائرى
- سائق تاكسى
- سائقى التاكسى
- سلاح أبيض
- فعل فاضح
- أثار
- أسامة محمد
- السطو المسلح
- الطرق السريعة
- الطريق الدائرى
- سائق تاكسى
- سائقى التاكسى
- سلاح أبيض
- فعل فاضح
- أثار
- أسامة محمد
مراية جانبية صغيرة مثبتة داخل معظم سيارات التاكسى أمام السائق من جهة اليسار، لا وظيفة لها سوى التلصص على الزبون الجالس فى الكرسى الخلفى، وهو ما أثار تساؤلات البعض وشكوك البعض الآخر، خصوصاً الفتيات اللاتى أصبحن يشعرن بضجر لكونها مسلطة عليهن طوال مدة الرحلة.
أسامة محمد، سائق تاكسى، رد بتردّد على سؤال إحدى زبائنه: «هى المراية دى وظيفتها إيه بالظبط؟»، بقوله: «والله ما كنت مركبها ولا قصدى منها إنى أبص على أى واحدة»، وروى موقفاً تعرض له خلال إحدى رحلاته دفعه إلى تركيبها أسوة بباقى السائقين، للنجاة من أى خطر يحدق به خلف ظهره: «مرة كنت ماشى فى الطريق الدائرى، 3 ركبوا معايا، هدّدونى بسلاح أبيض، ومن ساعتها ركّبت المراية علشان أشوف إيه اللى بيحصل ورايا، يعنى باراقب بيها الزبون، ولو حصل منه أى غدر أقدر أتصرف بسرعة».
«إحنا بنشوف بلاوى»، بهذه الكلمات رد السائق هانى مصطفى، مبرراً وجود المراية بقوله: «ممكن يركبوا اتنين معايا ويحصل بينهم فعل فاضح، وأنا مش واخد بالى، وممكن يركب معايا حرامى ويهدّدنى بسلاح أبيض، لازم آخد احتياطاتى وأبقى شايف اللى قاعد ورا بيعمل إيه».
أما الأسطى «على»، فعدد أسباب وجود هذه المراية عند بعض سائقى التاكسى، أولها الخوف من السطو المسلح، خصوصاً فى الطرق السريعة والمقطوعة، أو المظلمة: «بنشوف تصرفات الناس، بيتكلموا إزاى، بيعملوا إيه، لو حسيت بشىء غريب، باحاول أسلك من المشوار، أبعد عن أى مكان خطر، وأتحجّج بأى حاجة».