بالفيديو| بيومي فؤاد يوضح أنواع الأطباء وكيفية التعامل معهم
بيومي فؤاد
أوضح الفنان بيومي فؤاد، أنواع الأطباء بشكل كوميدي، وكيفية التعامل معهم.
وقال خلال تقديمه برنامج "بيومي أفندي"، والذي يذاع على فضائية "دي إم سي"، إن الأطباء منهم "الدكتور الانطوائي، وده بيكون كلامه قليل، وعلشان تتعامل معاه خش عليه مبتسم، وحاول متصدموش، والدكتور الملحقتي، وده اللي لما كان بيكلم كان بيضرب على بقه، وده أول ما تخش عليه تديله مفتاح للكلام لحد ما يسكت وبعدين تهجم وأوعى تاخد نفسك ولازم تحتويه، وكمان الدكتور المستعجل، وده أول ما تخش عليه ماسك بطنك تلاقيه كاتب الروشته، وطريقة التعامل معاه انك تحلق عليه".
وتابع: " دكتور 100 سنة خبرة، هيقولك انت بتشكي من أيه وهتلقى اللي بيقوله عندك، وعلشان تتعامل معاه، تقوله أعراض مش موجوده عندك، مثلا حمل، والدكتور المهزوز اللي مش متأكد من حاجه، وعلشان تتعامل معاه لازم تروحله كاشف أصلا، والدكتور المنولجست، وده بيحب يرمي افيهات، وعلشان تتعامل معاه لازم تحسسه إنه بايخ".