المتهم بارتكاب مذبحة أسيوط لـ«الوطن»: قتلت أولادى لأحميهم من الفقر

«الفقر هو اللى خلانى أقتل ولادى الأربعة ومراتى، وده بعد ما قتلت طليقتى وشقيقتها و2 من ولاد أخويا»، بهذه الكلمات بدأ رمضان سيد موسى المتهم بقتل 8 من أفراد أسرته فى أسيوط سرد أسباب المذبحة لـ«الوطن» قائلاً: «مطلقتى كانت زوجة أخى المتوفى، أهانتنى وسبتنى وقالت لى: إنت مش راجل، أنا أخدت بندقية من صديقى ورحت إلى البيت وقتلتها هى وأختها ونجل أخى الطفل، وعدت إلى منزلى وأنا أفكر فى مصير زوجتى وأولادى الأربعة، وخفت عليهم من الفقر وغدر الزمان بعد سجنى وشنقى، وقلت أقتلهم وأريحهم من كل الهم ده، وأول حد قتلته منهم كانت مروة بنتى اللى فتحت لى الباب». وتابع «رمضان»، الذى ألقى القبض عليه أمس الأول فى منطقة المريوطية بالجيزة: «أنا قتلت أولادى كى أحميهم من الفقر والبهدلة من بعدى، وأنا كنت بحب زوجتى جداً وحبى ليها هو ما دفعنى لقتلها حتى لا تتزوج أحداً بعدى، وبحب أولادى علشان كده ما حبيتش يتبهدلوا من بعدى». وقالت نهى سعد موسى، ابنة شقيق القاتل والناجية من الحادث: «عمى رمضان خبط على الباب، وخالتى فتحت له، وأول ما دخل قعد يضرب فينا بالنار، وضربنى فى إيدى ورجلى، وقعد يقلب فىّ فعملت نفسى ميتة».