يا قرنبيط مين يشتريك.. وفى الزيت والبيض يقدر يقليك؟

07:52 م | الخميس 09 فبراير 2017

ثمة قاعدة ساخرة، أقرتها الفنانة شيرين فى مسرحية المتزوجون، بشراء فرخة بنصف جنيه، وقفص بـ15 جنيهاً، الإفيه الذى لا يمل أحدهم الضحك بسببه فى كل مرة عرض للمسرحية، تحول شيئاً فشيئاً إلى واقع، حين وقف عمر فتحى وزوجته منى أمام فرشة القرنبيط فى سوق بيجام الشعبية، يتدارسان شراء واحدة لوجبة الغداء، قبل أن تحسم الزوجة القرار «لا يا عم، القرنبيطة رخيصة، بس هتحتاج 6 أضعاف تمنها دقيق وبيض وزيت.. على كده الفراخ أرخص»

فى البداية أغراه ثمن القرنبيط «4 جنيهات»، إنها أرخص خضار على فرشة البائعين، ويصلح وجبة غداء، لكن زوجته أحبطت فكرته «لو بتنزل السوق كل يوم وبتطبخ كنت عرفت ليه بلاش القرنبيط» تسترسل «القرنبيطة الواحدة عايزة زجاجة زيت كاملة، و7 بيضات على أقل تقدير، ودول لوحدهم بـ33 جنيه، ده غير البقدونس والكزبرة والشبت والدقيق»، لتستبدل فكرة زوجها بصينية بطاطس «أرخص بكتير من القرنبيط».

{long_qoute_1}

الحوار دار بينهما على مقربة من البائع، الذى تابع حديثهما بشغف، يبيع الرجل فى الأساس فاكهة اليوسفى والبرتقال، لكنه اشترى مجموعة من القرنبيط كدخل إضافى للمكان «لما واحد يجيله شوق للقرنبيط بيشترى، لكن زمان كانت العربية بتخلص فى أسرع وقت، كان مطلوب عشان رخيص وطعمه حلو» قالها أحمد صلاح الذى يعمل فى بيع الخضراوات والفاكهة منذ صغره، مشيراً إلى أنه يشترى القرنبيط من قرية السلمانية التابعة لمركز شبين القناطر بالقليوبية «الجملة بتاعتها 2 جنيه اليومين دول، ومصاريف العمال اللى فى الأرض والنقل والشيل بتخلينى أبيعها بـ4 وفى بـ3 بس سوقها نايم أوى بسبب الزيت اللى بيتراوح من 17 - 22 جنيه والبيض اللى بقى بجنيه ونص» مشيراً إلى أنه يبيع نصف الكمية التى كان يبيعها فى الأعوام السابقة.