كاميرات المراقبة.. الحكومية عطلانة والخاصة عين على الجريمة

حوادث إرهابية وجرائم اجتماعية لم تفلح فيها كاميرات المراقبة بالشوارع في تسجيل صورة واضحة لوجوه الجناة، لكونها "مش شغالة" أو "شغالة بس مش واضحة"، فعادةً يبقى وجود الكاميرات في إشارات المرور والأماكن العامة تقريبًا كعدمها، إلا كاميرا المواطن "أحمد"، التي نجحت في تسجيل واقعة سرقة لشابين أمام منزله بالعبور، ونشر صور واضحة للصوص على موقع التواصل الاجتماعي "فيس بوك"، لتوعية جيرانه وفضح الجناة لسهولة التعرف عليهم على نطاق أوسع.

"كاميرا إشارة المرور والبنك اللي في شرعي مبتصورش حاجة وعلى طول عطلانة، حصلت عندنا سرقات كتير للعربيات من تحت بيوتنا ومحدش قدر يوصل لحاجة، رغم إن في شارعي كاميرا إشارة مرور وبنك كبير جداً".. قالها أحمد شريف، موظف، التي نجحت كاميرا مراقبته في شرفة منزله بتوثيق عملية السرقة وكثير من عمليات سرقة السيارات بمنطقته: "الكاميرات اللي في الشوارع والأماكن العامة كلها منظر، مسمعناش كاميرا بتقدر في أي حادثة أو مصيبة تطلع المجرمين أو تكون صورت الحوادث، في كل مرة لبتكون مش شغالة أو جودتها وحشة ومش ظاهر وجوه الجناة".

لم يتوقع الرجل الأربعيني أن تنتشر صور اللصوص التي التقطتها كاميرا مراقبته بهذه السرعة على صفحات عديدة على موقع التواصل الاجتماعي "فيس بوك"، ويقول: "أنا نشرت صور الحرامية اللي بيمشوا بالموتوسيكل ويسرقوا شنط البنات والستات، بعد ما الكاميرا اللي حطتها في البلكونة صورتهم وهما بيسرقوا ولقيت ملامحهم واضحة عشان اخلي الناس تاخد بالها، ولقيت الصور انتشرت على الصفحات وجروبات وكأنه حدث بأن في كاميرا شغالة وصورت عملية سرقة"، لم يتوقف "أحمد" بنشر صور الحرامية التي قامت بتسجيلها كاميرا مراقبة منزله، لكنه قام بالإبلاغ في أقرب قسم شرطة عن الواقعة: "بلغت الشرطة بالصور اللي الكاميرا صورتها، وفيديو من بداية السرقة عشان يحاولوا يطلعوا رقم لوحة الموتوسيكل اللي كان الحرامية ركبينه عشان يساعد الشرطة في القبض عليهم".

• التواصل الاجتماعي
• القبض عليهم
• حوادث إرهابية
• سرقة السيارات
• شرفة منزل
• التواصل الاجتماعي
• القبض عليهم
• حوادث إرهابية
• سرقة السيارات
• شرفة منزل