مواقع وصفحات لاستبدال الملابس والمكياج: «المستعمل» تمنه فيه

من خلال أحد المنشورات التحفيزية على موقع الـ«فيس بوك» لتشجيع الفتيات على تبديل الملابس وأدوات المكياج مع غيرهن بسلع أخرى مستعملة، تجمع أكثر من 200 ألف عضو بجروب «تبدلى لبس إكسسوارات مكياج»، حيث دفعت موجة الارتفاع الجنونى لأسعار المستورد إلى دخول الملابس وأدوات التجميل لسوق المستعمل وتبديلها بأقل من نصف ثمنها الحقيقى.

دعاء إبراهيم، فتاة عشرينية، وجدت احتياجاتها من خلال الجروب، واستطاعت تجميع أشيك الملابس: «ممكن من الجروب بتاعنا نجمع ولا أشيكها طقم، كل واحدة معاها حاجة استعملتها قبل كده بتعرضها، حاجتنا كلها نضيفة وعضوات الجروب استعمالهم نضيف». ولتسهيل عملية التسوق على الجروب، قامت أسماء جمال، ربة منزل بالثلاثينات من عمرها، بعمل منشور لتسهيل الشراء على الجروب: «اللى عايز يبيع حاجة يكتبها فى الكومنتات على البوست، وأتمنى أن تكون الأسعار فى المتناول، وأن يكون إتمام البيع بأقرب محطة مترو».

ياسمين محمد، إحدى الفتيات التى تحتاج الجروب فى كل مناسبة أو فرح: أنا لو فكرت أنزل المحلات مش هشترى بسرعة وبالسعر ده، لو عندى فرح أو مناسبة بفتح الموبايل وأكتب اسم الروج اللى محتاجاه، والناس بتساعدنى بأفضل الماركات على جروب «ميك آب فور ليس يوزد»، وكمان ببدل الهدوم، وبتكون شيك جداً.

أسماء عادل، 20 عاماً، مؤسسة جروب «الميك آب اليوزد»، أحد جروبات تبديل المكياج، ترى الهدف هو استفادة الفتيات: «لو حد جاب حاجة ومش عارف يرجعها يا إما هيشحتها يا هيديها لحد هدية، فكده المكسب ولو بسيط أفضل من الخسارة الكاملة، فيه ناس معترضة على الفكرة، ولكن حاجاتنا نضيفة، مش بنسمح ببيبع العدسات أبداً بالجروب».

• ربة منزل
• عملية التسوق
• فيس بوك
• محطة مترو
• أدوات التجميل
• أدوات المكياج
• ربة منزل
• عملية التسوق
• فيس بوك
• محطة مترو
• أدوات التجميل
• أدوات المكياج