بعد إعلان أسعار التزحلق معها بـمول مصر.. رواد فيس بوك: عايزين نشتغل بطاريق

02:47 م | الأربعاء 22 مارس 2017

بمجرد الإعلان عن أسعار التزحلق مع البطاريق بمول مصر، تداول رواد موقع التواصل الاجتماعي "فيس بوك"، العديد من التعليقات الساخرة من ارتفاع أسعار التذكرة لمقابلة البطريق بـ"القطب الشمالي المصري"، التي وصلت إلى 600 جنيه للنصف ساعة، حتى تحولت تعليقات السخرية إلى مطلب واحد وهو: "عايزين نشتغل بطاريق".

تعليق واحد باختلاف التفاصيل، الجميع يرغب في عمل دور "البطريق": "بعد التأكد من أسعار التزحلق مع البطاريق في مول مصر، قررت أقدم على وظيفة بطريق"، قالتها "مريم عمرو"، أما "مهيمن محمد" فقال: "إحنا كلنا نقدم على وظيفة بطريق، بعد ما البطريق دلوقتي بيجبوه مصر ولاقي شغل، وإحنا اللي قاعدين في البلد مش لاقين شغل"، فيما علق أحمد هاني ساخراً: "أنا كمواطن مصري من حقي أتعامل معاملة بطاريق، بما إن هما ليهم حظ أكتر مني في الشغل"، وقالت "أمينة" ساخرة: "أنا عندي استعداد اقعد طول اليوم في الثلج، وألبس بطريق واشتغل بداله، بس أخد ربع الفلوس اللي هتدفعله عشان يجي، وعشان الناس تتزحلق معاه".

أما "مدحت" فعلق على أسعار اللقاء والتزحلق مع البطاريق قائلاً: "انا عايز أشتغل بطريق، شغلوني بطريق، وأنا مش هقول لأ بس اشتغل"، فيما طالبت" سلمى أنور": "بدل ما تجيبوا البطاريق مصر ومقابلتهم تبقى غالية أوي كدة على الناس، أنا مستعدة أشتغل بطريق والناس تدفع أقل وتتبسط بردوا.. شغلوني بطريقة".