"اتبرع بالدم واتصور مع البلياتشو".. "شكة دبوس" لتشجيع المارة على التبرع
مبادرة شكة دبوس للتبرع بالدم مع البلياتشو
"اتبرع بالدم واتصور مع البلياتشو".. مبادرة حاول من خلالها مجموعة من الشباب جذب المارة، وتشجيعهم على التبرع بالدم داخل سيارات إسعاف مخصصة تابعة لمستشفيات دمنهور، لإنقاذ المرضى الذين يحتاجون إلى أكياس دم على فترات قريبة.
لافتات مرسومة بألوان مبهجة، يقف بها عبدالرحمن الدعمة وفريقه "شكة دبوس"، أحد شباب دمنهور، وواحد من شباب الفريق الذي يسعى لتوفير وسيلة أسهل للتبرع بالدم بدلاً من الاتجاه نحو مراكز الدم المعتمدة لضيق الوقت، فتوفير أكياس الدم للمرضى الأطفال وكبار السن كان المقصد من المبادرة التي يقدمها الفريق: "الهدف أن الناس يبقى عندها وعي بالتبرع بالدم ومساعدة الغير، إحنا بنحاول نطور في فريق شكة دبوس بعمل مبادرات جديدة لجذب الناس وتشجيعهم على التبرع"، وتابع: "في أمراض كتير زي مرض البحر الابيض المتوسط بيحتاجوا أكياس دم كل 3 أسابيع، وفي مستشفيات كتير عندنا مش متوفر فيها أكياس الدم، غير المصابين اللي بيتصابوا في الحوادث وبيحتاجوا نقل دم، وأحياناً في ناس فصيلة دمهم بتبقى نادرة جداً، وفي ناس بتموت بسبب إنهم مش لاقين أكياس دم كفاية".
"اللي عايز يعرف دمه بيروح فين يجي معانا ويشوف"، رد واحد يسمعه بعض المشككين في وصول أكياس الدم إلى المستشفيات والمراكز المعتمدة بحسب الشاب العشريني، مؤكداً أن المتبرع يتم إخطاره باسم المستشفى الذي سيستقبل تبرعه: "إحنا مش بنتاجر بدم حد، سيارات الإسعاف اللي بتنقل الدم مصرح بها من وزارة الصحة، وفكرة "البلياتشو" عجبت ناس كتير، وبتساعدنا في جذب المتبرعين، أطفالهم بيلعبوا مع البلياتشو ويتصوروا معاه، في الوقت اللي أهله بيتبرعوه فيه، بالإضافة أن كل متبرع ليه علبة عصير وصورة مع البلياتشو".