طلاب «زراعة» ينظمون فعالية للتعريف بكليتهم: «إحنا مش فلاحين»

08:13 م | الجمعة 24 مارس 2017

«إحنا مش فلاحين، ولا مجموعنا قليل.. إحنا بنحب نزرع ونعمّر».. جزء من شعار رفعه طلاب كلية الزراعة بجامعة القاهرة تحت مسمى «انسيبش تيم»، بهدف تعريف الطلاب الجدد وباقى الكليات بأن كليتهم ليست مكاناً يؤوى أصحاب المجاميع الصغيرة، أو الذين ضلوا طريقهم إلى الكلية التى كانوا يحلمون بها. ينظم الطلاب محاضرة يوم 30 مارس الحالى، داخل الكلية بعنوان «الزراعة بتفرح»، لتوعية الطلاب بأهمية الكلية فى إعداد باحثين زراعيين قادرين على الإسهام فى تطوير قطاع الزراعة وتنمية المجتمع والحفاظ على البيئة ومواكبة التطورات العلمية العالمية، وحسب عبدالله بلحة بالفرقة الثانية، وأحد أعضاء الفريق: «إحنا مش داخلين الكلية علشان مجموعنا قليل، بالعكس أنا مجموعى كان يجيب أى كلية أنا عايزها، بس أنا حابب أكون مهندس زراعى».

كان «عبدالله» يحلم بدخول كلية الزراعة رغم الشائعات المنتشرة حولها، ما بين «دى بتاعة الفلاحين.. دخلت كلية زراعة علشان مجموعك قليل»، محاولاً كسر تلك الشائعات بالالتحاق بها والتخرج بتقدير مشرف فيها: «لو الناس فهمت الكلية دى هتعرف مدى صعوبتها وأهميتها وإزاى من خلالها ممكن ننفع مجتمعنا فى الزراعة».

يستعين الفريق ببعض الطلبة الخريجين وأساتذة الكلية، للحديث عن أهمية الكلية وقدرتها على تحسين بيئة العمل الزراعى وخلق كوادر بحثية فى الزراعة: «كليتنا مميزة مش كلية البواقى زى ما بيقولوا»، حسب إسلام أشرف، 19 سنة، بالفرقة الثانية، الذى شارك فى التنظيم: «عايزين نعرف الطالب لما يتخرّج يشتغل فى مكان كويس.. هو مش هيمسك فاس ويروح يزرع، بس بخبرته هيساعد غيره من الفلاحين فى تخصيب التُرب الزراعية».