"حجاجوفيتش": هكذا تصرفت الحكومة النمساوية مع فتاة فقدت كلبها
حجاجوفيتش والفتاة النمساوية
نشر الرحالة المصري، أحمد حجاجوفيتش، عبر صفحته على موقع التواصل الاجتماعي "فيس بوك"، قصة مؤثرة عن فتاة نمساوية فقدت كلبها بسبب أن سيارة دهسته.
وكتب "حجاجوفيش"، على الصورة، التي التقطها بجانب الفتاة النمساوية، قائلا "فيرا بنت نمساوية كانت بتلعب بالكورة مع كلبها قدام بيتها ولكن الكورة اللي بيلعبوا بيها طلعت على الشارع العمومي والكلب كان بيجري وراها وللأسف الشديد داسته عربية".
وأضاف أن "فيرا جالها صدمة شديدة واكتئاب إنها فقدت أعز المقربين ليها وهو كلبها، وجارها لما لقاها مكتئبة و مش بتروح دراستها.. كتب بوست عادي علي الفيس بوك بتاعه بيحكي القصة اللي حصلت وحط صورة فيرا جارته وهي بتعيط علي كلبها.. ناس كتير شافت البوست والإعلام بقى يتكلم عنه، ولكن العجيب هو رد فعل الحكومة النمساوية".
وأوضح أن "المتحدث باسم الحكومة ومحافظ المدينة راحوا لزيارة (فيرا) في بيتها وجابولها كلب نفس نوع كلبها اللي مات، وكمان إدوها 21 ألف يورو (نحو 450 ألف جنيه مصري) تعويض عن الضرر النفسي والاكتئاب اللي حصلها بعد موت كلبها".
وأكد أن الأمر لم يقتصر على ذلك "الحكومة عملت قانون يلزم كل العربيات اللي بتعدي في الشارع العمومي قدام بيت البنت إنها تمشي على سرعة قصوى 50 كم في الساعة بدلا من 80 كم/س، وحطوا السبب على اليافطة".