موقف «لودرات» فى كومباوند: «فلوسنا راحت فى الهوا»

08:09 م | السبت 01 أبريل 2017

لم يكن منطقياً أن يستيقظ سكان كومباوند «القطامية هايتس» الراقى فى التجمع الخامس على مشهد موقف «اللودرات»، حيث أصواتها العالية والمزعجة، ليتحول محيط الكومباوند إلى منطقة عشوائية، بداية من الموقف مروراً بالمبانى العشوائية والطوابق غير المرخصة، ما دفع السكان إلى الاعتراض على جميع المظاهر السيئة التى طرأت على المنطقة، والمطالبة بالتدخل الفورى لحل الأزمة.

الكومباوند الكائن بمنطقة الجولف بالتجمع الخامس يعرفه القاصى والدانى، لا لشىء سوى الإهمال الذى يتعرض له، حسب فادى فاروق، صاحب فيلا بالكومباوند: «أنا ساكن فى المكان من وقت ما كان صحرا، بقالى أكتر من 18 سنة فى المنطقة، ومن 10 سنين بس بدأت تطلع عماير عشوائية وفيه منها غير مرخصة، ومن 5 شهور عملوا فى حتة فاضية جنب الكومباوند موقف للوادر، لو واقف فى روف الفيلا أشوفهم، ده غير أصواتهم المزعجة اللى شغالة ليل نهار».

{long_qoute_1}

«فلوسنا راحت فى الهوا»، جملة لخص بها عصام منير، ساكن آخر، حال سكان المنطقة الراقية بأكملها: «أقل فيلا فى الكومباوند سعرها أكتر من 3 ملايين جنيه، يعنى فلوسنا طارت بشكل المنطقة دلوقتى، على يمين الكومباوند موقف لوادر، وفى ضهره مساكن شباب، وفيه عقارات طالعة مخالفة وفيه مش مرخصة، محيط الكومباوند كله بقى عبارة عن عشوائية وقمة فى الإهمال، حاولنا أكتر من مرة نقدم شكوى فى الجهاز، يقولوا هنشيل الموقف وهيتغير مكانه ومفيش حاجة بتتغير».

مصطفى فهمى، رئيس جهاز القاهرة الجديدة، أكد أن هناك خطة تابعة للجهاز، تعمل على إزالة جميع المخالفات بشكل متلاحق، وأن أبواب الجهاز مفتوحة للمواطنين، وكل من له رأى مخالف عليه بمخاطبة الجهاز، وسيتم التعامل معها وإزالتها: «قمنا بإزالة أكتر مبانى غير مرخصة وعشوائية بالمنطقة بعد الإبلاغ عنها، وموقف اللوادر هيتشال قريب جداً، ومنتظرين مكان بديل مناسب للموقف».