فتاة تروي تفاصيل مقتل خطيبها على يد رئيس محكمة
فتاة تروي تفاصيل مقتل خطيبها على يد رئيس محكمة
استضاف الإعلامي وائل الإبراشي، فتاة تدعى بوسي حسن، وهي خطيبة شاب مجند تم قتله على يد رئيس محكمة جنايات، والذي قُتل أمام عينيها.
وروت بوسي تفاصيل الحادثة قائلة: "كنت رايحة أجيب حاجات لأمي من واحدة صاحبتها في مدينة نصر، خطيبي كان معايا واستنى تحت، بعد ما طلعت الحاجة ببص على عربية خطيبي ملقتهاش".
وأضافت حسن، خلال حوارها مع برنامج "العاشرة مساء" الذي يعرض على قناة "دريم": "فتحت موبايلي عشان اكلم خطيبي، لقيت رئيس المحكمة ده بيقولي كنتي بتعملي إيه فوق وكنتي عند مين، وهو عمره ما شافني، قولتله وأنت مالك، راح نده على البواب، وسأله بصوت عالي رحت مكلمة خطيبي عشان يجي".
وتابعت أن "خطيبي جه لقي الراجل بيزعق معايا، راح جه اتكلم معاه، وأنا حكتله اللي حصل راح مؤمن فتح باب العربية عشان يدخلني، ويتكلم هو معاه، راح الراجل قافل الباب ومد إيده عاوز يشدني من رقبتي، مؤمن بيبعده قاله دي حرامية، واتخانقوا سوا، والمستشار قعد يضرب في خطيبي، وقعدوا يضربوا في بعض".
وواصلت أنه أثناء الشجار قام خطيبها بضربه بطريقة جعلته شبه فاقد للوعي، مما جعل المستشار يخرج سلاحه ويقتله، متابعة "القاتل بعد ما شاف الدم وخطيبي بيموت مصدقش أنه قتله فتح عربيته بسرعة وقالي أركبي وهاتيه عشان نروح المستشفى، مرضتش أركب لوحدي، وخليت شابين يركبوا معايا، قابلنا الإسعاف بمجرد أني نزلنا خطيبي للإسعاف كان هرب القاتل".
