بالصور| لؤي دكتور الصبح ومصور بالليل: الطب مش جايب همه

02:37 م | الأحد 07 مايو 2017

حالة فريدة من القدرة على تقسيم الوقت بين مهنتين والنجاح فيهما، فبين غرفة العناية المركزة ودراسة الماجستير والعمل كمصور يقضي لؤي حسني مبارك 28 سنة وقته، يؤمن لؤي أن كل منا مبدع طالما أتيحت له الفرصة كاملة، فعادة قد ندرس لأعوام في مجال ما بسبب المجموع ولكن اتباع الشغف واستغلاله في مجال آخر يجعل العمل أكثر إبداعًا وتميزًا، يعمل لؤي طبيب بالنهار ويبدع في تقديم صور فوتوغرافية مبتكرة وجذابة في المساء ويتابعه أكثر من ربع مليون شخص.

بدأ لؤي الاهتمام بموهبته في التصوير في عام 2012 وكانت أول صورة لطعام، وحاز عمله على إعجاب الجميع فقرر البدء في العمل كمصور كعمل احترافي واعتمد في ذلك على شغفه بالتصوير بمجهوده الذاتي في التعلم.

لؤي من مواليد زيزينيا بالإسكندرية وكان من المتفوقين في الثانوية العامة وفي البداية درس في كلية الصيدلة ولكن قرر التحويل لكلية الطب البشري جامعة الإسكندرية، وكان ذلك بناءا على رغبته ورغبة أسرته فمعظم عائلته في المجال الطبي، وتفوق في الدراسة الجامعية واستكمل دراسته للماجستير عن "العناية المركزة".

قال الدكتور لؤي حسني عن شهرته على السوشيال ميديا "حاولت إني أغير صورة الدكتور النمطي اللي دخل كلية يدرس فيها ونسي هو بيحب ايه أو ممكن يبدع في ايه، والبداية كانت مكتب في القاهرة وعملت له صفحة على الفيس بوك أعرض عليها شغلي ولقيت عدد المتابعين وصل لربع مليون في وقت قليل فقررت استغل العدد ده وأقدم فيديوهات عن الطب باسم "الطب بالبلدي" فيها معلومات طبية بسيطة بس موثوق إنها صحيحة" وذلك لأنه قضى سنة الإمتياز في قرية ريفية غلب على معظم ساكنيها الجهل الطبي واعتمدوا على مصدر المعلومة الطبية بشكل أساسي من النت.

وعن قدرته على العمل كمصور وطبيب "من وانا صغير وانا متعود على تقسيم وقتي، ووالدتي طبيبة وعودتني أقسم وقتي ازاي بين الدراسة والنادي والتدريب كحارس مرمى، ودلوقتى بحاول انظم وقتي بردو يعني فترة الامتياز اهتميت أكثر بالتصوير وحالياً بسبب الماجستير مهتم اكتر بالدراسة، أنا دلوقتي مصور بالليل ودكتور بالنهار بس متأكد ان في يوم الطب يطغى على التصوير رغم كرهي للروتين يعني مش متخيل اني ممكن اعمل نفس الحاجة كل يوم".

وأما عن استغلال موهبته ومهنته في الخير "مش ببخل على حد بمعلومة في الطب ومعنديش عيادة خاصة حالياً وكمان فكرة الفيديوهات الطبية عشان اساعد بيها غيري، وكذا مرة كنت بنزل مع اصحابي نصور ناس ونبيعها لهم ونتبرع بالفلوس لمؤسسة خيرية بس اصحابي يكونوا هم أصحاب الفكرة والتنظيم".