بالفيديو| طوابير الانتظار أمام أقرب "بنزينة" من مقر بث خطاب الرئيس توجه رسالة لـ"مرسي"

على بعد خطوات من مقر قاعة المؤتمرات بمدينة نصر، حيث يوجه الرئيس محمد مرسي خطابه اليوم، يصطف المئات منذ التاسعة صباح اليوم، في طابور طويل بحثا عن البنزين والسولار أمام أقرب محطة وقود من المقر الذي يلقي الرئيس خطابه به، حيث تتعالي أصوات عدد منهم بالدعاء "اللهم اكشف عنّا الغُمة يوم 30 يونيو".. بين صفوف المنتظرين تجولت "الوطن" لإيصال كلماتهم إلى الرئيس الذي سيلقي كلمته عليهم الليلة، بالقرب من المكان نفسه. في طابور الانتظار، يجلس أحد المواطنين داخل سيارته منتظرًا دوره، وبوجهٍ عابس، تحدث "الناس مخنوقة آخر خنقة، واللي احنا فيه ده مايرضيش ربنا، ليه نقعد أربع وخمس ساعات عشان نقطة بنزين، حتى بنزين 92 اللي عمرنا مشوفناش فيه أزمة، طول عمرنا نعرف إن أزمة البنزين في الـ80 لكن إنها توصل لـ92 دي جديدة". فيما قال آخر، فضل البقاء داخل سيارته هربا من حرارة الشمس "شغلنا واقف وفلوسنا ضايعة، الناس بيحطّوا بنزين وبيحرقوه عشان يدوّروا على غيره.. الناس مش هتستنى ليوم 30 يونيو ولازم ينزلوا من النهاردة بالليل"، وتساءل باستنكار "هي دي بلد؟ انتخبناهم وبيعملوا فينا كده ليه؟ طالما مبيعرفوش يحكموا يبقى يمشوا". وبنبرة غضب، أعرب أحدهم عن استيائه من الانتظار منذ الصباح وعدم اهتمام الدولة أو الرئيس بالأزمة، قائلًا "أنا من الساعة 8 الصبح واقف هنا، وكل ده هلك بنزين يعني اللي بنقدر نشتريه من المحطة بنهلكة في الانتظار"، ولم يجد سوى عبارة "لا حول ولا قوة إلا بالله" ليكظم غيظه في انتظار انتهاء الطابور الطويل.