واحدة عاملة عيد ميلاد لقطة عايز المعازيم يكونوا إيه؟

11:15 م | الاثنين 29 مايو 2017

علقت الزينة، ونفخت البالونات، ووضعت التورتة وسط مائدة الطعام التى تحمل ما لذ وطاب، ووقفت وسط 17 قطاً وقطة لتحتفل بعيد ميلاد «زغلول» القط الأصغر الذى أتم من عمره عاماً.. «كل سنة وانت طيب يا أجمل وأحلى حاجة فى حياتى» كلمات سارة سليم، 25 عاماً، التى طبعت صورة القط «زغلول» على تورتة كبيرة للاحتفال بعامه الأول وأهدته عدداً من علب الجبن، ملفوفة بشريطة حمراء اللون.

اعتادت الفتاة العشرينية أن تقيم احتفالات فى أعياد ميلاد قططها، كلما أتموا عاماً جديداً، وذلك فى منزلها بمنطقة عين شمس: «زغلول بالذات كنت وعدته إنى أعمل له عيد ميلاد كبير وحلو لو بقى كويس، علشان صحته ماكانتش كويسة»، تقضى «سارة» جزءاً كبيراً من وقتها واهتماماتها فى تربية القطط والاعتناء بها: «باعاملهم كلهم كأنهم اولادى، بيقعدوا ياكلوا معانا على السفرة، وكل واحد بيكون له طبق مخصوص، فطبيعى إنى أحتفل بوجودهم وسطنا».

{long_qoute_1}

تطلق «سارة» على كل قطة اسم «بكيزة وزغلول وبكار ورشيدة وتوتا وسوكا ولوكا وتايجر وكوكو وتى تى وبندق وسكر وزعبولا»، مؤكدة أن كلاً منها تعرف اسمها وتستجيب لها بمجرد النداء عليها: «كلهم عارفين أساميهم، وبيحبوا بعض، ومش بيتخانقوا خالص، أنا معوداهم على حاجات معينة، ده أنا بارفض كل عريس يقول لى يا أنا يا القطط، لأن القطط أهم حاجة فى حياتى».