8 أصدقاء حوَّلوا أوزانهم الثقيلة إلى طاقة إيجابية: كله «خير»

10:53 م | الجمعة 02 يونيو 2017

«خسّينا وكمان عملنا خير بالملايين» جملة هى لسان حال مجموعة شباب من مدينة المنصورة، تغيَّرت حياتهم 180 درجة، بعد اتخاذهم قراراً بإنقاص أوزانهم منذ أربع سنوات، كان القرار نقطة فارقة فى حياتهم، فبعد تخلّيهم عن الكسل ومشاركتهم فى لعب كرة القدم فى دورة رمضانية بأحد أندية المنصورة العام الماضى، واستضافتهم للاعب محمد شوقى لمشاركتهم وتشجيعهم، انهالَ عليهم عدد كبير من الرعاة للمسابقة، حتى تمكنوا بتبرعاتهم من فك دَين 65 أسرة غارمة.

الشاب الثلاثينى إيهاب عباس، أحد الشباب أصحاب الفكرة، يروى أنه وأصدقاءه السبعة قبل اتخاذهم للقرار كانت قد وصلت أوزانهم إلى 200 كيلو: الموضوع بدأ هزار جداً لحد ما تواصلنا مع اللاعب محمد شوقى، وحبّينا نحط رعاية على الـ«تى شيرتات» بتاعة اللعب والفلوس اللى جت اتبرعنا بيها للخير. لم يتوقف نشاط الشباب عند هذا الحد، بل تطورت فكرتهم حتى وصل عددهم لحوالى 500 شاب انضموا لدعم fat united: «اسم الحملة بقى تريند هنا فى المنصورة، والناس بقت معتبرة إن ده مشروعهم القومى، وده محسّسنى بالمسئولية بشكل أكبر وبقيت خايف جداً». محاولة إقناع الكابتن عصام الحضرى هذا العام للمشاركة بالنشاط الكروى للحملة لم تكن صعبة: «اللاعب أول ما عرف إن ده لدعم عمل خير رحّب جداً»، فحسب «إيهاب»، يكون يوم 25 رمضان الجارى هو افتتاح غرفة للعناية المركزة والعمليات للأطفال بمستشفى الأورام بالمنصورة: «الغرفة تجهيزاتها اتكلفت 3 ملايين جنيه، الأطفال كانوا بينزلوا يتعالجوا فى غرفة عناية الكبار، وطبعاً كانوا بيتعرضوا للكيماوى، وده كان خطر جداً عليهم».

ينقص «إيهاب» وفريقه تشطيبات بالدور السابع الخاص بالأطفال فى المستشفى تصل تكلفتها إلى 700 ألف جنيه: «استعنّا بطلبة من فنون جميلة عشان يساعدونا فى اختيار الألوان والتصميمات الخاصة بالأطفال».