لبس العيد يحير المصريين: لو القديم ماسدش انزل الوكالة
لبس العيد يحير المصريين: لو القديم ماسدش انزل الوكالة
- ارتفاع الأسعار
- البوابة الإلكترونية
- الملابس الجديدة
- فرحة العيد
- وسط البلد
- وكالة البلح
- أطفالنا
- ارتفاع الأسعار
- البوابة الإلكترونية
- الملابس الجديدة
- فرحة العيد
- وسط البلد
- وكالة البلح
- أطفالنا
تفاعل قراء "الوطن" مع سؤال البوابة الإلكترونية بشأن الاستغناء عن "لبس العيد"، بسبب ارتفاع الأسعار، وقرر البعض تحدي الغلاء وشراء الملابس من "وكالة البلح"، فيما اتفق آخرون على شراء الملابس الجديدة للأطفال ليشعروا ببهجة العيد.
كتبت بسمة سمرة: "أنا عن نفسي جبت لبس لولادي في الأوكازيون وشيلته للعيد"، وعلقت أميرة نبيل: "ممكن جدا وليه لا، مافيش داعي إني أشتري هدوم جديدة في ظل الغلاء الفاحش، في أولويات أهم.. والقديم يسد".
وقال محمد زكي: "أعتقد لأ، لأن سعادة الطفل وفرحته في العيد بالملابس الجديدة ربنا يبارك في أطفالنا"، وكتبت سحر خليل: "إحنا استغنينا تقريبا عن معظم الحاجات، على الرغم إني بشتغل حتى الرمق الأخير، رحمتك يا أرحم الراحمين".
وكتب محمد منعم: "الكبار مش مهم طبعا، لكن طفل نفسه يفرح ويلبس زي أي طفل"، وأضاف مصطفى تيفا: "مش مرتفعة.. في المعقول، وكمان مش بس كده، جودة عالية بس أماكن وأماكن، بالنسبه لي وسط البلد أسعار متخلفة معرفش على إيه".
وقالت سارة إسماعيل: "انزل الوكالة يا عم، وفرح العيال بلا هم"، وكتب سعد حمزة: "والله الناس مش عارفة تجيب حتى المستعمل مش عارفين يجيبوه، ربنا يسترها"، وعلق إلهامي محمد: "يعني بلاها أكل وبلاها حلويات وبلاها شغل وبلاها لبس.. إيه تاني؟".
