تعطل مترو الأنفاق فدعا الركاب: الله يخرب بيتك يا مرسى

«على السادة الركاب الخروج من عربات القطار.. القطار به عطل فنى».. كلمات أذيعت عبر ميكروفون هيئة مترو الأنفاق، فى محطة الشهداء، تفيد بضرورة إخلاء عربات المترو بسبب عطل فنى، سببت احتقانا وغضبا بين الركاب الصائمين، نظرا لتأخرهم عن مواعيد عملهم، بعضهم وقف متأففاً، يتابع حركة القطارات التى توقفت قرابة نصف ساعة باتجاه الجيزة، والبعض لم يضيع وقته هباء واكتفى بالاستغفار وذكر الله، فيما ترجم صنف ثالث غضبه بدعاء «الله يخرب بيتك يا مرسى». قالتها إيمان محمد، وبررتها «كل البلاوى اللى بتحصل فى البلد دى بسبب مرسى، حتى بعد ما مشى جايب لنا خراب ومعنديش حد ادعى عليه غيره»، السيدة الأربعينية تشرح حقيقة الوضع المتأزم، الذى يدفعها هى وكثيرين غيرها للدعاء عليه، على حد تعبيرها، حتى بعد عزله «هو مشى لكن ده ميمنعش إنه سايب جماعته تخرب فى البلد وتقتل جنودنا فى سينا، يبقى ندعى عليه ولا لأ؟»، المهندس صلاح محروس، كان فى طريقه إلى عمله فى إحدى شركات الكهرباء، لكن تعطل القطار زاد غيظه، لعجزه عن الوصول فى الموعد المحدد، مما دفعه لتحميل د. مرسى مسئولية ما يحدث «من ساعة ما شرف والبلد متشقلب حالها، قطارات بتتقلب وجنود بتتقتل، حتى المترو خرب وبقى بيعطل من وقت للتانى، وشه شؤم على البلد». الموظف بهيئة مترو الأنفاق (رفض ذكر اسمه) أكد أن حالة التكدس أمام المترو ترجع إلى عطل فنى داخل القطار المتجه إلى الجيزة «الناس ماصدقت تلاقى حاجة وتتكلم عليها مع إن قرار الإخلاء اللى عملناه أولا وأخيراً عشان مصلحتهم وفى الآخر نتشتم عشان صايمين، هو الصيام عليهم لوحدهم ما هو علينا إحنا كمان».