وصفة عزت| إزاي تعمل مشروع بـ50 جنيه: يلا انطلقوا

04:42 م | الخميس 13 يوليو 2017

إحساسه الصعب بالحياة ومشاغلها ومسؤولياتها، دفعه للتفكير في عمل مشروع ليكون سندا له، ولكن واقع الحياة وقلة ما يملكه من أموال كانت له بالمرصاد، وبعد تفكير طويل، توصل الشاب الثلاثيني "محمد عزت"، إلى عمل مشروع بسيط برأس مال 50 جنيها فقط.

بدأ محمد مشروعه برأس مال 50 جنيها، معتمدا على فكرة بسيطة جدا يشرح خطواتها محمد: "المشروع هيكسبك أكثر من 1500 جنيه في الشهر في ساعة زمن كل يوم، كل الحكاية هشتري بـ15 جنيه فينو يعني 60 رغيف من المخبز جملة، و15 بيضة هتسلقهم بـ15 جنيه جملة، وعلبة جبنة فيتا، وربع كيلو بـ5 جنيه، و10 جنيه لانشون وكل ده هيتكلف 45 جنيه".

يحب محمد الاهتمام بالمنظر والشكل العام لطعامه "بجيب كارتونة نضيفة وأحط فيها ورق أبيض نضيف وأرص فيها سندوتشات بالترتيب وطبعا بشتري بـ2 جنيه أكياس ثلاجة وبلاستيك وبيبقى منظري نظيف، وبنزل أقرب مدرسة كبيرة قريبة مني وببيع السندوتش بـ2 جنيه، الـ60 رغيف بيتباعوا بأمر الله".

يشجع عزت أقرانه لتجربة هذا المشروع "مش هتقف كتير وماتخافش من حاجة وماتتكسفش، مجموع البيع 120 جنيه هتخصم منهم 50 جنيه راس مالك وهيتبقى معاك 70 جنيه مكسبك".

تفاعل العديد من الناس مع هذه الفكرة، فروج نصر البيومي للفكرة قائلا: "يلا انطلقوا وانشر الفكرة وشجع غيرك، لعل حد يعملها وتكون سبب في فتح باب رزق في ظل الغلاء والأيام الصعبة اللي بنعيشها".